Zeeuwsch Nieuws
Bie ons op 't durp
VRIJDAG 23 SEPTEMBER 1932
No. 17
ft. >ii
van
Pier riep de vrouwe gistermerrege an de deure ik stieng
meneige nog te wasschen en 'k wier d'r koud van en akelik,
wan as de vrouwe zö roept, dan zit 't nie goed, weetje
Maer alla, ik trok m'n boezeroen over m'n kop, en in 'uus.
En jewel, dae kwam z'al anzette, mie een brief in d'r 'anden.
Ik zegge zó, zó, is t'r een brief 'ekomme En 'eur zee
Doe noe mae nie net of a je d'r niks van weet, ik wil ik wè 's
wete, mie wa vore wuven jie 't krispendeere 'eit O
Ik zegge O is, ik krispendeere mie niemand, lae is kieke.
Nee, nee, zee 'eur, en dan stiekum wigsjoefelen, ik za je
danke.
Maer ik keek ik is goed, en ik zee Mae vrouwe, dae bin
vreemde possegels op 'eplakt, da za gin brief voe mien weze.
ja, om je noe de waerheid te zeggen, dat a 'k ok 'edocht,
mae joe naem stae t'r toch op. En ik keek is, en verentig
Pier van 't Hof, en dae stieng nog „de WelEdele Heer" voe.
Ikke groos, da begriep. Mae 'k zegge geef is 'ier, en ik
nae 't poskentoor. En dae zeg ik Van der Ulleme, j' ei mien
een brief 'estierd, 't lieken wè of a t'n uut Indië komt. Sjuust,
zee t'n, en is dat dan nie goed
Da's 't net nie, zee ik, wan ik kenne d'r niemand, en ft
wuuf is 't 'er a kwaed om, voe da ze weet wat a t'r in staet.
Nimmae, 'ie is toch voe joe, zee 'um, en ik wee naer 'uus.
Toen de vrouwe 't 'oorden, besturf ze 't bienae. 'Ier dien
brief! riep ze, en ze snokten uut m'n 'anden. Toen z'n 'elezen
a, smeet ze 'n op de taefel, en ze zee gin woord. En ik las
„Beste Pier, je za d'r wè van staen te kieken, da je noe 'eele-
gaer vanuut Makkassar op Celebes een brieve kriegt (da doe 'k
net mae 'k mó je noe toch even vertelle, da j' ons noe zó
vee plezier doet mie je brieven in „Cms Zeeland" (noe lieg ze
toch zeker wè Je krieg dan zó ies gezelligs van thuuswezen
over je (zó, zó) en in gedochten zie je dan wee 't prachtige
Zeeuwsche land mie zó z'n eigen gedoe van de boeren, mae
ook voel j' even wee die echte Zeeuwsche 'artelijkeid, die
j' ier zó weinig 'eit. De menschen èn 'ier nie vee voe mekander
over, mó je wete, en dae kunne wulder toch eigenlijk nie
tegen, wa jie (net Daebie kom nog goed Zeeuwsch, goed
rond, mae da gaet 'ier glad nie op, dan lei je gauw overa uut.
As m'n Zeeuwsch noe nie zó prontjes is, mó je 't mae vergeve,
wan 'k bin d'r eigelijk een uut stad (da docht ik wè, je schrief
vees te goed) mó je wete. Noe, Pier, de groetenisse van een
Indischen lezeres"
Noe, zeg ik tegen de vrouwe, krispendeert die juffrou noe
in eer en deugd of nie
't Loop nogal of, zee de vrouwe, en toen zee ze niks mi
Kiek is 'ier, juffrou, ik bin vreed blieje, mie je brief, mae dienk
t'r om, a je noe nog is schrieft, doet dan mae net of a i'n vint
bin, begriep je Anders gaet 'ier nie goed. Ja, mensch, je bin
te beklaegen tusschen al da zwarte goed, mae wa doe je noe
ok zó verre van 'uus
'k in de krante altied 'eleze, dat 't in Indië zó stik'eet is,
da alle menschen d'r bienae naekt loape, is da noe waer En
'oe is 't mie de zedelijkheid?
't Doe m'n vee plezier, da je de brieven leest, da mó
'k zegge, en je Zeeuwsch, da gae best 'oor
Vrete die negers je nooit op 'k van 'ore zeggen, da dat
toch zukken gevaerlijken goed is, of is dat ók a gin waer A
je me noe is een groat plezier wil doe, dan mó je nog is schrieve,
en me van alles van ginter vertelle. Mae je zet er dan mae
„Jan" onder, 'oor, da's beter. Noe, gedag dan mae wee. A je
wee is in 't land komt, dan brieng je mae 's een aepje voe m'n
mee, of een pappegaaie, mae gin wilde beesten of zó, oor
't lieken wè, of ik je a jaeren kenne Noe, gendag dan, oor'
vee groetenisse uut 't Zeeuwsche land, van
PIER VAN 'T HOF.
P. S. 'Eit bie julder ók zukken barren weer 'ewist, van de
weke 'Ier was 't vreed
Een keurig verzorgde stand van den Tuinbouw van E.M.M. op de
tentoonstelling van Floralia en Eendracht Maakt Macht te Ierseke.
Tijdens de winkelweken, door Ierseke's winkeliersvereeniging Han
delsbelangenvan 13 tot 27 September gehoudenlevert de door
P. Z. E. M.-schijnwerpers verlichte toren een verrassenden aanblik.
Ter gelegenheid van het 10 jarig bestaan der Motorclub Zeeland werd Zater
dag 17 September een bezoek gebracht aan de Oesterputten te Ierseke na een
sterrit door Zeeland, waaraan 150 leden met auto*s en motoren deelnamen. Links
op de foto burgemeester Gunning, die het gezelschap te Ierseke rondleidde.
N.
Te Aardenburg werd van Zaterdag 17 September t.m
19 September een Flor alia-tentoonstelling georgani
seerd door de afd. Aar-
Een fraaie stand met fruit
Ceres" te Aardenburg.
denburg van de Mij. voor
Ooft- en Tuinbouw. Over
zicht van de tentoonstel
ling, die in een deel van
de fraaie Ned. Herv.
Kerk was ondergebracht.
De monumentale toren
van de kerk te Kapelle
wordt thans gerestau
reerd. Foto van den om-
steigerden top