Bie ons op t durp
Z'£ d'eele mcrrege deur den 'of 'eloope, en ik 20 is 'ekeke,
en eindlienge zegge ik Vrouwe, w£ mekeer jie toch vandaege,
je loop mae gist en de weer as een 'oen dat z'n ei niet kwiet kan
raeke.
Bemoei jie j'n eige mae mie j'n eige bemoeisels, zee 'eur, en
ik schodden is mie m'n kop, en ik docht d£ zit nie goed, glad
nie. En 't zat ok wè nie goed ok.
Eindelienge, ik a net precies den nieuwen kalender opg'ange,
toen zeit 'eur ineens 't is toch nie goed van m'n. Pier, d£'k die
guus van de Koeter, die mie de koenkelpot kwaeme, wiggestierd
dae
Ik vraege bin die dan 'ewist
En 'eur zee d£ bin ze net.
Noe mö je wete, d£ dien de Koeter vroeger een errebeier bie
m'n 'ewist 'eit, mae die vint deugden nie erg, dan was 't dit, en
dan wee dat, en op 't ende mos ik 'n vortdoe.
Toen 'eit de vint alderlei vule praetjes van ons op 't durp
'eklest, en vanzelfs waere ons toen kwaed op 'ulder. Mae noe wil
't geval, d£ z'n vrouwe ziek wor, en dat 'um zonder werk rocht.
Afijn, z'è wè negen guus, en d£'s erremoei, dat begriep je.
En noe waere die guus an de deure 'ewist mie de koenkelpot,
en de vrouwe gerope vort mie julder, je z£ 'ier gin spetter
bekomme
En daer ze noe spiet van.
'Oor is 'ier, zee ik nae een stuitje, je kan ze nog wè wat laete
brienge, maer ik vinde ik dat noe zó verschrikkelijk nie, nae wa
m'n d'r mee beleefd
Och, Pier, zee 'eur, julder venters bin allegaere zó 'ard as een
spieker. En noe is 't Nieuwejaer, en me bin gistere nae kerke
'ewist, en toen was ik vast van plan, om een bitje vrindelijker
tegen de menschen te worren, en noe behunt 'et wee zó, 't
lieken wè of den duvel in m'n 'evaere is.
Alia, toe toe, zee ik, j'overdrief noe toch zeker wè een bitje.
O, julder venters, zee 'eur wee, en temet was ze den 'of wee
in, en een stuitje laeter zag ik de meid mie een groot pak onder
d'r erm, en ik docht da's voe mekaere En dat was ok zó.
Kiek, zó zeg ik mae, zó'n nieuwjaer is toch nog ergest goed
voe, al is 't de tied van de rekeniengen, die je bienae nie kan
opbrienge.
Je dienk wee is an alderande diengen, en je maek wee is schoon
schip bie j'en eige om wee mie een schoone leie te behunnen.
En ik bin d'r zó deur an'estoke, d£'k nae d'ofstee bin 'egae,
en tegen Pier gezeid, dat t'n dien vint mae wee in dienst mó
neme. Maer uutkieke. Pier, è'k t'r bie 'ezeid, je mot j'n eige nie
as oud vuul laete koejeneere, o mae
's Middags was 't wee raedsvergaederienge, en dat was noe
wee voe zó'n iesselijk geval. De velwachter a' evroge, of z'n
'uus nie verbouwd kus worren, want 't wier vees te klein.
Afijn, dae bimmen dan is over an 't praeten 'esloge, mae ik
was d'r glad nie voe, wan die vint 'ei bienae net zóvee ruumte
as ik, en 't is d'r den tied nie nae. Dus ik stemme tegen, mae wat
wil noe 't geval Ik komme tuus, en dae zeit de meid Baes, je
mag wè is in de schure gae kieke, wan ik zag dae net een vint
wigloope, die 'k glad nie kenden.
Ik nae de schure, en jewel, ik zag trek, d'r was een 'eele staepel
mie nieuwe jutezakken d'r vandeur.
Noe mos ik wè nae de velwachter, mae die lachten nie tegen
m'n.
Ik vertelden 't van die zakken, en toen zee 'um Ja, ja, dae bin
'k nog wè goed genog voe, om joe rommel achteran te loopen, mae
om in een fesoendelijk 'uus te wonen, dae bin jie noe tegen, ee
Maer ik z£ joe is wat vertelle, gae jie zelf mae achter je zakken
an, begriep je, dae z£ Ko z'n 'anden nie voe vuul maeke
Ik nae den burgemeester, en toen mos de velwachter komme,
en trek d'r op uut, mae je begriep noe toch zó wè, d£'k die zakken
nooit mi vromme zie.
Afijn, ik gae noe m'n eige maer anslute bie die nachtveilig
heidsdienst uut stad, die komme 'ier ok op sommigte plekken,
en dan è'k de velwachter glad nie noodig. Ik z£ temet nog is even
een briefje schrieve, wan je begriep wè, dien dief 't in de gaeten
krieg dazze nie achteran z'n zitte, dan komt t'n merrege terug,
da begriep je, en daer è'k noe net nie van terug. Alla, dus tot
kommende weeke.
PIER VAN 'T HOF
1016 VRIJDAG 6 JANUARI 1933
No. 32
Zeelandop bezoek bij „Drente".
Buurpraatje bij de juffrouw uit
Markenals vertegenwoordigster
van Noord-Holland.
Nieuwjaarsmorgenstilte op
de Groote Markt te Goes.
Op de pluimveetentoonstelling te
Hoofdplaat behaalde de heer A. Faas
uit Biervliet den lsten prijs met een
wit Weener konijn. Het konijn werd
tevens kampioen
Bloederig stilleven
van de feestdagen
Te Vlissingen werd onder groote be
langstelling 'n bazar „De elf provinciën"
gehouden ten bate van arme kinderen.
Een vriendelijk kijkje bij den Frieschen stand.
De vroolijke
keuken.
