ZeeuMècfa 7
Bie ons op (t durp
1368
VRIJDAG 24 MAART 1933
No. 43
Ja, ze kun Zegge, Pier die stae goed mie z'n eigen, mae komraen-
de weeke is t'r wat gaende, da mó'k je toch vertelle
Kommende weeke Vriedag bin de vrouwe en ik veertig jaer
'etrouwd. Ja, das een eelen tied, je begriept 'et bienae nie, en
de vrouwe zee vanmerge Ik gloove da jie toch nie zo kwaed
bin a'k dikkels 'edocht e, want anders was ik gin veertig jaer
bie j' ebleven.
Das 'eel wat voe de vrouwe, om dat te zeggen, bedoel ik.
Ja, das waer, ikke was eenentwintig jaer, en de vrouwe was
t'r achttiene toen a m'n trouwden. Da gieng toen nog op z'n
ouwerwes, mie 't gerei, en dat was vee gezelliger ok. Ik weet
nog as de dag van gistere, da Kreel van Duun, die noe a vuuftien
jaer verschejen is, een mooi vesje voodroeg dat t'n 'en zelf
'emaekt a. Ik e gistere nog is in de pampieren zitte kieke, want
a zo'n dag dichterbie komt, dan wor je een bitje om te schreeu
wen, afijn, da begriep je. En vrentig, ik vonde dat vesje nog
tusschen ouwe brieven, mie prachtige letters 'eschreven deur
Krul, dat was den ouwen schoolmeester, mae die is noe zeker
a vuufentwintig jaer dood.
D'r stieng boven Ter eere van het bruidspaar; afijn, ik za 't
'eelemaele voe j'overschrieve, allee
Vandaag worden Piet en Cornelia getrouwd,
Die Kee is een kante meid
Ze hebben zonder dat het hen ooit heeft berouwd,
wel drie-en-een half jaar gevrijd.
O worde hun pad nu met rozen bestrooid
O worde hun pad nu met bloemen getooid
Daar gaan ze, het bruidspaar dat leve lang,
bij feestgeruisch en bij gezang
Dat wier gezonge op de wieze van In naam van Oranje
doet open de poort, en dat gieng goed ok D'r waere nog tien
andere komplotten, allegaere even mooi, wan die Kreel dat
was een dichter, en die schreef ok we is van die diengen in de
Kerkbode, mae die za'k noe toch mae nie overschrieve.
f Ja' zo gieng dat noe vroeger, en noe bin 'k veertig jaer
etrouwd, en mensche lieve, waer is den tied gebleve
Nie da'k 'n verprust e, neent, glad nie. Pier 'eit altied voe
z'n werk 'estae, da's vast, mae kiek 't is toch nog om voe da
je 't weet.
En dat wi'k je wel vertelle, dat wuuf van mien das toch
altied maer een best wuuf voe m'n 'ewist, a vlogen m'n mekaere
zo noe en dan in 't 'aer.
Ja, das waer, en m'n e saeme vee mee'emaekt ok, te vee om
op te noemen, maer a'k zo alleenig maer is an Keesje dienke,
die in z'n derde 'esturreve is, en toen a Piete d'r vandeur liep
omda ze mie dolsgeweld nae stad wou, dan zegge ik a'k die
veertig jaer vrom most doe, dan zou ik t'r nie zo goed ofkomme,
kiek.
En noe menschen, a je zo in die daegen bin, net as mie Ouwe-
jaer, tegen dazze uren, daegen, maenden, jaeren deur de radio
gae spelen, dan voel je zo ies van nattig'eid en steken in j'n 'arte,
en kiek, dat voel ik noe ok.
En daevoe za'k je nie zo vee mee schrieve vandaege. Want in
zukke daegen kiek je j'n levenswigt wee is of, en dan 'ei ie spiet
van vee diengen die je glad nie, of glad verkeerd 'ei gedaen.
Ja, a je dae noe mae spiet van 'eit, dan is 't zovee erg nie, wan
de mensch is nie onfeilbaar, glad nie, en iederndeen doe we is
wat verkeerd. Allee, ik e g'oore dazze de buurt wille opkrone
voe dat jubbeleum van ons, en dat mozze mae nie doen, wan
t'is den tied d'r nie voe, da zeg ik. Ze motte dat geld maer an
den erremen geve, das vee beter.
En noe weet je 't, en zo onder de fermielje zummen toch een
klein feestaevenje e, dat mot t'r toch van komme, dat begriep
je. Kommende weeke vertel ik je d'r we van.
Allee, de groetenisse,
PIER VAN 'T HOF.
De heer C. Visser, die voor z'n schilderwerken
vooral onze provincie als operatiebasis kiest, ex
poseert op het oogenblik in kunsthandel Sturm te
Goes. Een hoekje van de show.
De heer Visser teekent een kadegezicht te Goes
Een der mooie houtsneden van den
heer C. Visser. Een lentetafereel.
De rattenvanger van Zierikzee. Te Zierikzee,
dat blijkbaar nog al sterk door ratten wordt
geplaagd, heeft de heer Meijvaert een practische
rattenval uitgevonden, die hij thans in het groot
vervaardigt en waarmee hij onder het ongedierte
een flinke opruiming te weeg brengt. Zijn de
ratten eenmaal in de val, dan zorgt de fox
hond voor verdere noodzakelijke verdelging.
Tot stijving van de kas der padvinders te Middelburg werd aldaar een bazar: „Padvinder smarkt"
georganiseerd. Een groepje dames en heeren, dat zich voor deze markt verdienstelijk maakte.