Xj>
3e
'SdeiacMb. Mm
AL ZetnAout
aU butgemeateï
aan ALdddbuïg
qümtoMmd.
Bie ons op yt durp
1464 VRIJDAG 14 APRIL 1933 No. 46
Na de officieele instal
latie van den edelachtb.
heer M. Fernhout tot
burgemeester van Mid
delburg poseerde Zijn
Edelachtbare met echt-
genoote temidden van de
gemeenteraadsleden.
Wethouder Onder-
dijk hangt den nieu
wen burgemeester
de ambtsketen om.
Dae zit ik noe mie die ouwe Pie, je komt t'r wè an, mae je
komt t'r nie of. Den eesten dag gieng 't noga een bitje, wan toen
wist ze de boel nie zo te stae, mae toen ze zo'n bitje wist 'oe a't
merseerde, toen a'k niks mee in te briengen.
Dae kwam noe ok nog bie, dazze an 't veranderen sloog. Alles
most een aere plekke dit dogede nie, en dat ok nie, en verruut
mae joenges, den 'eelen dag vloog ze van ef tot ende mie allerlei
diengen, en a'k noe in de keuken zit, dienk ik dat 't de mooie
kaemer is, en omgekeerd.
In 't begin zee ik d'r wat van, mae dat was gauw uut.
Jie mos je'n eige schaeme om over zukke waerelse diengen te
praeten a je vrouwe zo zieke leit, zee 'eur.
Ik zegge ja, da zei jie noe wè, mae das ok alleenig mae om
j'n eigen zin deur te drieven, o mae
Toen zee 'eur niks, mae den anderen dag a ze saeyes 't 'eele
'uus vol fersiete, allegaer van die ouwe wuven, en ik kus gin
pleksje mi vinden.
Ik zegge luuster is vrouwlien, ik bin d'r niks over te spreken,
da julder 'ier fersiete 'ouwe, as m'n vrouwe zo zieke leit.
En toen kuste ze a nie vee anders doe as d'r vandeur gae, mae
Pie was vreed kwaed en liet 't eten anbrande, en toen was ik ok
kwaed, en noe bin m'n allemaele kwaed, en zou ik blieje weze as
de vrouwe mae wee vrom was.
Mae dae liekent nog nie op, glad nie.
Gistere kon 'k wee is gae kieke, mae da schik noe zovee slecht,
wan d'r is noe gin een bus, en dan mo'k dat ende op de fiets, en
ik worre ok a een dagje ouwer, en toen 'k dan wakker wier, zag
ik dat 't vee woei.
Mae toen kwam net Klaas van Merie bie m'n en die 'eit een
stoorafies, en die vroog rie je nie mee
Noe bin ik nog a medern, dat mag je gerust wete, mae achter
op zo'n dienk te riejen, daer a'k toch nie vee ooren nae, wan je
lees in de krante nie anders as van ongelukken mie die diengen.
Dus ik zee da'k mae op de fiets gieng, mae toen kwam Pie d'r
tusschen, en die zee da'k zeker nie dust, en ik zee toen ja, jie
wil m'n zeker dood en toen zee ik benauwd benauwd is
Pier nie, da za je zie, wan ik gae mee.
En toen nae buten, en Klaas trapte op zo 'n dienk, dat t'r be-
ziejen an 'ieng, en toen gaf 't een 'arde knal, mae loope dee d'n
nog nie, en ik schodde m'n kop, en ik doch, dae kom niks van
dat goed is.
En Klaas trapten a wee, en toen gaf dat dienk een ieselijk
geluud, net een verreke dazze de nik of snieje, en toen dee 'm 't
nog nie.
Toen wier Klaas kwaed, en 'um trapte wè tien keeren achter
mekaer, en toen ineens dee d'n 't.
Noe mo jie dae van achter gae zitte, zee Klaas, en dat dee'k,
mae menschenlieve, ik was toch benauwd, en ik riep Klaas,
Klaas, dienk t'r toch an da je langzaem riedt Maer 'um ree i
zo 'ard, dat t'n 't nie kus verstae, en bie d'n eesten draei verloor
ik m'n oed, en ik wou Klaas op z'n schoere slae, mae 'k dus m'n
eige nie los te laeten, en 'oe 'ard ik ok schreeuwden, ie kus niks
'oore. Afijn, toen kwamme me net bie de brugge, die open was,
en toen mos t'n stilouwe, en toen zee ik van m'n 'oed, en toen
zee 'um, dan rieje m'n mae even vrom, maer ik zegge gae jie
dan mae, want ik kom d'r nie mi op, nooit
En 'um d'r om, en terug, en toen stieng d'r ok net een vracht-
riejer, die ok die kant op most, en toen bin 'k dae mee meegereje,
en ik was toch zovee blieje da'k van dat dienk of was.
En zo kwam ik bie 't zieken'uus, cn ik gieng d'r in, en ik ver
telden de vrouwe van Pie, en de vrouwe wier zovee kwaed, dazze
d'r uut wou komme, om naer 'uus te gae, en toen kreeg ik een
standje van de zuster, en ik rnos trek vort.
En op de gang kwam ik den dokter tegen, en die vertelden
m'n, dat de vrouwe goppereerd zou motte worre, en 't was of
ik deur de grond gieng. Afijn, ik bin tuusgekomme, en merrege
gebeurt 'et, zwieg t'r van, zwieg t'r van
PIER VAN 'T HOF.