Zeeuwsch
Nieuws
Bie ons op yt durp
I rr
Velen genoten ook van een
rustige wandeling langs den
Vlissingschen Boulevard.
't Is gebeurd, en 't is gelukt ok. Den eigeste middag kwam Kar
van den bakker bie ons, das zo'n wuuf da maekt t'r werk van om
altied de menschen moed in te spreken as t'r ies is, en ze bedoelt
't we goed, mae ik d'r nie vee mee op.
Noe ok, ze kwam, en ze zee 't Is toch verschrikkelijk, Pier
Ik zegge jaet, mae meer zee ik nie, want 't was zo a erg genog.
Toen gieng ze mie Pie stae praete, en ze zee dat 't wè goed
zou komme, mae toen dochte ze da'k niks kus 'oore, mae ik was
in de biekeuken, en ik 'oorde net is 'oe of ze tegen Pie zee
Gloof mien noe mae, d'r kom niks van da goed is. Die dokters
snieje mae, en ze snieje altied verkeerd. A je da mae weet
En toen Pie, mae dat kus ik nie goed verstae, en toen Ka wee
Menschenlieve, wouent nie Krien van Jewanna 'eit t'n toch
ok gesneje, en die a nog wè tien jaer kunnen leve D'r kom niks
van da goed is, dae
Toen wier ik 'et moei mie die praet, en ik nae binnen, en ik
zegge Ka, je bin een pront wuuf, mae ik zou toch maer is gae
kieke of 't brood wè in de oven is.
Ze begreep da'k ze vort wou en ze was kwaed, wan z'is zo
vreed nieuwsgierig, en ze wou noe mae wete, 'oe of 't ofloope
zou, begriep je En ze zee
Jie mos j'n eige schame om over brood te praeten a je vrouwe
in 't sterven leit 1
Mae ze gieng toch, en ze was net vort of dae kwam de post
mie een telegram, en dae stieng in Operatie geslaagd, toestand
redelijk, en toen was ik toch zo blieje da'k bienac deur de grond
gieng.
Afijn, laeter 'ei ze 't allemaal zelf verteld 'oe of da gieng. Ze
wist t'r zelf niks van, mae d'r kwam zo'n aorig waegentje bie d'r
bed, en dae most z'op.
Waer is da noe goed voe vroog ze, mae de zuster zee niks,
en zo wier ze nae de zael gereje, en toen ze dae binnen was, toen
zee ze sjuust, wan toen begreep ze 'oe a't gesteld was.
Mae z'is nie kleinzeerig, glad nie, en ze zee tegen den dokter
verruut, en je za op je ziele a je d'r neffen steekt
En zo gebeurden 't.
Afijn, ik d'r d'eigeste dag nog nae toe, en ik mocht d'r een
stuitje bie, en ze zag t'r goed uut, dae stae je gewoon verstomd
En toen wee naer 'uus, en Pie, die den 'eelen dag zo verschrik
kelijk zenuwachtig gewist was, was mae an de schoomaek be-
gonne, voe een verzetje, zee ze. Alles stieng over'oop, 't was
vreed.
En ik most ik m'n brief schrieve, en ik zegge wae za'k noe is
gae zitten, en ze zee gae mae in de biekeuken, wan daer e'k 't
schriefmesien ok 'ezet, mae ik 't eest is een goeie beurt 'egee.
Ik roepe bi je noe glad Dae bi je toch zeker nie an'ewist
Mae ze zee 't dieng was zo vuul, en ik a net een schoon zopje,
en toen e'k 't dienk is of 'edae.
Afijn, ik kus wè schreeuwe, m'n mesien mie een zopje, en ik
vliege nae de biekeuken, en jewel, ie zag t'r prachtig uut, mae gae
dee d'n glad nie mi.
Ikke wee nae binnen en ik zegge A je noe mae weet da de
schoonmaek gedaen is.
Zo, zee ze, wou jie je vrouwe in een vule boel laete komme
Ik zegge daer 'ei jie nie mee te maeken.
En 'eur zee is dat noe m'n dank omda'k je vuule boel op-
En ik 'Oe eerder je vort bin, 'oe liever a 't m'n is
En 'eur Julder bin ailemaele eender, foei Noe je vrouwe
beterder is, noe gooi je mien vort as oud vuul, maer as ze ge-
sturreve was, dan a Pie goed genog 'ewist om te bluven, dae
Daer 'oopten jie zeker op riep ik, wan ik was kwaed, mae dat
a 'k toch nie motte zegge, wan dat was nie netjes van m'n, mae
een mensch vergeet z'n eige wè is, en ik zee trek da'k dat nie zo
bedoeld a, mae toen begos ze te schreeuwen, en ze zee nee, nee,
Pier, zo slecht bin 'k nie, mae de mensch is sterfelijk, en je kan
nie wete, en ik a toch ok wè een goeie vrouwe voe j'ewist.
En ze pak d'r boeltje en vort is ze.
En ik viel in een stoel, wai
van dien dag en dan weet
zegge of zwiege mot.
Afijn, gebeurd is gebeurd, en ik wou 't nie verzwiege, wan je
mo noe nie dienke, da Pier een Yint zonder gebreken is. Gebre
ken m'n ailemaele, zo is 't noe eenmael. En noe 'ope ik mae da
de vrouwe gauw vrom is, wan zo is 't gin leven.
alle, de groetenisse,
PIER VAN 'T HOF.
Paaschdrukte te Vlissingen. Het mooie weer met de
Paaschdagen had velen naar Vlissingen geloktEen
20-tal autobussen uit België voerde eenige honderd
tallen bezoekers aandie bijna een verstopping op
den Boulevard teweeg brachten.
Ook de watersport be
gint weer te lokken. De
roeivereen. „Luctor et
Emergo'* te Vlissingen
bracht de booten bui
ten om ze in 't kanaal
van Walcheren te water
te laten.
No. 47
Jhc. H. E.
Lewe van
Neyensteyn nam
13 dezer afscheid als
burgemeester van
's Heer Arendskerke,
waar hij 41 jaar lang
als hoofd der ge
meente veel en on
vergetelijk werk ver
richtte. Op onze foto
drukt de oudste wet
houder J. Nijsse den
scheidende de hand
Een Zeeuwsche propa
gandiste voor de water
sportzooals er meer
moesten zijn in ons
waterrijk gebied.
