Bie ons op t durp
De vrouwe is dan tuus, ze is nog vreed zwak in d'r beenen,
en kan d'r eige mae net overende 'ouwe. Ze kwam dan mie een
auto, en toen ze in de kaemer zat, zee ze Pier, Pier, wa zovee
zegge wou, dazze blieje was azze wee tuus was. De kaemer stieng
vol mie bloemen, van iederendeen van 't durp, van de burge
meester en van de netaeris, en ok van den dokter, en kiek, dae
was ik noe 't meest blieje mee van al. Wan den dokter, dae bin m'n
nie erg goed mee, das een 'eele geschiedenis, die 'k je misschien
laeter we is vertelle za, mae afijn, m'n waere noe we nie in de
ruzie, mae toch ok nie zo goed mie mekaere, en kiek, die stierde
noe ok bloemen, en ik zegge mae wee ziektes en dood verzoene
alle menschen mie mekaer, en je ziet er a wee uut, dat ieder
mensch 't goed bedoelt, en das voe mien een reden, om nie mi
zo gauw kwaed te worren, en de menschen wa meer te ver-
draegen.
En zo is zo'n ziekte toch wee ergest goed voe, en ik was vol
mie dankbaar'eid, dat begriep je, en omda 'k noe toch trek wat
wou doe, ê'k den eigesten aeven een bezending spullen bie
Arreman Verneve laete brienge, die 't vreed erm 'eit, en ik wete
we, da je daer je schuld nie mee vereffent, mae in ieder geval
is 't een bewies, da'k in vrede wil leve, en zo lank a'k 't leven
nog e, 'oop ik-vee goed te maeken, dae.
En 't lieken we, of zo ies overerfelijk is, wan de vrouwe is ok
a eender, 't lieken temet we of de scherpe kantjes d'r bie 'eur
glad of bin, wan z'is zovee zochte a'k ze nooit 'ekend e, en vrin-
delijk as nooit.
Vandaege moch ze voe 't eest nae buten, en bin m'n deur 't
durp 'ekuierd, an den erm, en dat was toch in zoovee jaeren nie
'ebeurd, mie uutzonderienge as 't doenker was, en m'n ergest
vandaen kwaeme, 's aeves laete, wan dan was ze benauwd,
weet je
Mae noe was alles anders, en ik zee zo mae vrouwe, vrouwe,
en varder zee 'k niks, wan 't zat m'n tot 'ier.
En menschenlieve, noe is 't voorjaer ok, alles staet in bloei,
de prumen en de appels en de viooltjes en de paeslelies, en 't
lieken we of dat alles een groote beurt 'ei g'ad.
O wat, julder zulle we zegge Pier slae wee deur, en verruut,
ik wil ik 'et we wete, mae bie tiejen is de mensch dankbaar
'estemd, en dan schaemt t'n z'n eige, dat t'n dat nie altied is,
dae
Van der Klooster, die vroeger een klein bedriefje 'ad, is t'r
mie jaer en dag mee achterop 'erocht, en een maend of wat ge-
leje most t'n d'r of, en noe weunt t'n in een klein 'uusje en ver
dient de kost mie 'ier en daer te werkén, mae 'um 'eit een 'eele
kroo mie guus, dus da val nie mee.
Noe kwam onze Ka verlejen bie z'n vrouwe, en die vertelde,
dat 't jongste een veilig'eisspelle a in'eslikt.
Bel, bel, zee Ka, das toch verschrikkelijk, en was je nie be
nauwd
Ja, ja, zee vrouwe v. d. Klooster, wan je mo dienke, ik e ik
zo weinig veilig'eisspellen
Ja, zo bin sommigte menschen noe, ee
Zo is fr 'ier ok nog een boer, die weunt op een stee in den
achtersten polder. En noe mo je weten, dat t'r 'ier den lesten
tied noga vee kwaed volk rondloopt.
Jan, dien boer dan, die kan d'r ok mae net van komme, en
das ok mae een sneeje brood mie krupvet en nooit vleesch op
taefel.
Noe wil 't geval, dat t'r vlee weke zo'n vint bie z'n komt, een
groote kaerel, en Jan is ok noga wat zwakachtig, maer 'um is
anders glad nie benauwd, en die kaerel vraegt om een stik spek
en een ouwe broek.
Spek e'k nie, zee Jan, .en a je een ouwen broek mot e, dan za
je de mienen we uut magge trokken, wan 't is den eenigsten
die'k in 'uus e.
Zo, zo, zee de vint, maer 'um gloofden 't zo gauw nie, en 'um
'ieuw maer an ok.
'Oor is 'ier, zee Jan, je kan korte of lank praete, maer ik e 't
nie, en je kriegt 't nie ok. Uut.
Zo, zee de vint, da zummen dan we is zie, en a jie merrege
opstaet, dan kon je schure we is of ebrand weze, begriep je f
O is even, riep Jan, a je dat doet, noe, daer e'k we een stik spek
voe over
Ja, ja, dae ka je noe is om lache, mae zukke diengen bewieze
toch we, dat t'n een slechten tied is voe de boeren.
Aileenig e'k in de kranten 'ezie, dat 't mie de beurs een bitje
beter gaet, en mie de terrevepriezen ok, en noe zummen 't beste
d'r mae van 'ope.
Alle, ik scheje d'r mae mee uut, wan de vrouwe is moei, en
da getik an d'r kop, dae kan ze nog nie al te best tegen.
allee, de groetenisse,
PIER VAN 'T HOF
Burgemeester van
Doorn stelt met
een toespraak de
nieuwe muziektent
officieel in gebruik.
VRIJDAG 28 APRIL 1933
No. 48
Te Souburg werd op
Zaterdag 22 April de
nieuwe muziektent offi
cieel in gebruik geno
men, waarbij tevens de
winkelweek werd ge
opend. Een tiental mu
ziek- en andere vereeni-
gingen luisterden de
plechtigheid op. De
drukte op het Oranje -
plein tijdens het défilé
langs het raadhuis.
De voorzitter van de feestcommissie, de heer
Baljé. reikt de
herinneringsme
dailles uit aan de
vertegenwoordi
gers der vereeni-
gingen, die haar
medewerking ver
leenden.
Het aange
kochte heeren
huis te Bier
vliet dat tot
raadhuis zal
worden ver
bouwd.
Biervliet krijgt een nieuw raadhuisEen foto
van het oude, dat te klein is geworden, bevlagd
tijdens de herdenkingsdagen van het eeuwfeest
van Willem van Oranje.
Een moderne inrichting voor het schoonmaken van
graan troffen we te Zonnemairewaar in een korten
tijd heel wat zakken machinaal worden verwerkt.
Te 's Heerenhoek werd de jaarlijksche veemarkt
gehouden, die nog al wat belangstelling trok
