ons
VRIJDAG 8 SEPTEMBER 1933
Ziecikzee kwam op 31 Augustus het bestek,
voor den dag en had een zeer uitgebreid
programma. Een foto van de drukte op het
Havenplein tijdens den optocht der plaatse
lijke vereenigingen.
Een geval dat den lachlust opwekte.
De kinderen zorg
den voor fraai ver
sierde wagentjes.
Een bizonder aar
dig span was een
bokkenwagendie
in de optocht mee
reed.
Dae zatte m'n dan, en een van die wuven vroog an allemael
tegelieke, wat a ze woue gebruke. En kiek, ze namtne een voe een
ies, en ik zat a stille te zweeten, wan ies, dae kriek buukpien van,
en dat dust ik toch nie te zeggen.
Afijn, eindelienge was 't toch zo varre, en ze zee juffrouw ok
ies En ik knikten mae van ja, en trek kwam d'r zo'n komme vol,
mie een lepel der in, maer ik liet 't mae stae, mae toen zee de
barenes, die neffen m'n zat, nae een stuitje je lae j'n ies smelte
Afijn, toen most ik we, en ik nam een lepeltje, mae 't was toch
zovee koud, en ik voelden 't zakke tot an m'n grooten tee, en
toen nam ik 't glaesje, en ik 'ieuw 't onder de taefel, en ik liet 't
leegloope, maer ineens geet dat wuuf dat an d'aere kant neffen
m'n zat, een schret, en ze roept Oei, oei, oei, d'r zit wat an m'n
been
Temet sprieng ze op, en ze stoot 't taefeltje glad omvarre, en
alles soenkelde d'r af, en kepot.
En ik was toch zovee blieje, dat alles op de grond lag, wan
toen kuste ze nie mi zie, wien a 't 'edaen a, da begriep je
Maer ik was nog nie an 't end van m'n.ellende.
Noe mo je begriepe, dat 't in die gelegent'eid stikdruk was, en
vlak achter m'n zat een ouwe vint, en ik docht a wa zit die mien
toch te douwen, en telkens wee opnieuw, en ik wier 't moei, en
riep 'Ou jie je pooten toch bie je
De barenes docht dat 't tegen 'eur was, en ze schrok zo, dazze
d'r taeretje lie valle, en ik schrok van m'n eigen, en ik keek kwaed
nae den vint, mae die lachten maer is, en een stuitje laeter a je
't wee, en ik kreeg 'et t'r werm van, en ik zee kwa, ik stap is op,
en ik t'r uut, mae de barenes kwam achteran m'n, en zo over de
mart.
Mae toen 'k nog is achterom keek, zag ik, da die vint ons ach
teran kwam. Afijn, en ik dus tegen de barenes niks te zeggen, en
ik gieng d'r zo'n bitje vandeur, en 'eur ok, mae ze kus nie zo 'ard
stappe, en ik zag ineens, da'k ze kwiet was.
En ik wou net achter een tentje gae stae, toen a'k ineens de
stem van die vint 'oorden, en die a nie vee omslag, want 'um
zee Juffrouw, zee d'n, je mot 't m'n mae nie kwaelik neme, maer
ik bin ok mae een alleenloopende vint, en ik zoeke een wuuf,
kiek, dat is 't 'et.
Zo, zee ik, mae wat e'k mie joe te maeken
'Oor is 'ier, zee 'um, mie m'n te maeken 'ei je nog niks, mae
't zou d'r van kunne komme, begriep je. Ik loope nie achter de
meiden an, 'oor,glad nie, a bin 'k nog joenk 'enog, mae je mo
begriepe, zo'n vint alleenig is niks, weet je
Zo, zo, zee ik, en wa bin jie eigelijk van je vak
Ja, 'oor is 'ier, zee 'um, ik e ik een 'eel fesoendelijke betrekking,
bie de gemeente.
Zo, zo, zee ik, dae zie je anders glad nie naer uut.
Ja, mae 'k za je is vertelle, da'k mie alderleie 'ooge 'eeren in
anraekieng komme, eiken dag.
Mae wa doe jie dan eigelijk, bi je soms de burgemeester
vroog ik. Neent, zee 'um, mae 't lieken d'r toch vee op, wan ik
bin zo'ezeid de baes van een 'eele stad, mae de menschen bin
dood, weet je
Dood vroog ik, ik begriepe d'r niks van, bi je we bie je
verstand Da zou'k nie dienke, zee 'um, maer ik bin zovee as
doodgraever, weet je
Afijn, mae da von 'k noe toch zovee iesselijk, da'k m'n eigen
omdraeiden en d'r vandeur gieng.
'Um wou m'n eest achteran, mae da gieng nie, mae toen riep
t'n nog van een ende tegen m'n 'k verdiene achttien gulden in
de weeke, en je za 't goed bie m'n e maer ik was a vort, en ik
zocht nae de barenes, mae die was ok vort.
Nee, 'oor, en ik e ze nooit mi 'ezie ok.
Wan z'is in een verkeerde busse 'estapt, da schreef ze m'n
laeter in een paersen brief mie goud en een krone d'r op, en ik
was nae Bergen op Zoom 'ereje bie vergissing.
Afijn, en ik was blieje, da 'k wee veilig in de busse zat, en toen
a'k tuus was, docht ik zo bie m'n eige je bint toch mae 't beste
tuus, en je weet mae nooit waer of je tenauwen komt, kwa, noe
mo'k wee an de waste. VROUWE VAN 'T HOF
Te St. Maartens
dijk hield men een
ringcijdecij op de
pets.
Een kijkje op de tentoonstelling
van den Zeeuivsche Kunstkring
■.die 'n zeer belangrijke groeps
tentoonstelling van Zeeuwsche
schilders organiseerde tot slui
ting van het seizoen. Wegens
de groote deelname kunnen we
tot onze spijt niet van 't werk van
ieder afzonderlijk 'n repoductie
gevenzoodat we meteen kijkje
in een der zalen moeten vol
staan. Onder de deelnemers
vonden we de namen van mevr.
Hendrikxmevr. Dieleman. de
heeren JacobsBergsmaHey-
mans, Klarenbeek, De Vries
PluymersWeststraete, v. d.
Steen, De Kruyter, Melsen en
Schonberg.
Nog een hoekje van een der zalen van de Zeeuwsche Kunstkring-expositie.
