,-1" 1
Bie ons op t durp
1
Toen a'k wee binnen kwam, zag ik een iesselijk tooneel. Siek
lag op twi stoelen, mie z'n rik op den eenen en mie z'n voeten
op den aer. En Trei zat op de leuning, en dat was nog 't gekste
nia, mae dat de vrouwe daebie zat te lachen, dazze zo op d'r beste
stoelen rousden, kiek, dat was gewoon 'aetelijk, dae stieng m'n
verstand bie stille
't Lieken 'ier we kermisse, zee ik, een bitje kwaed, mae de
vrouwe lachten mae, en zee alla, toe, toe, je lieken we een
ouwe vint van bie de negentig, je mo juust blieje weze da m'n
een bitje pret e.
En da zo mae in de weeke in de mooie kaemer, en zoo op
de stoelen zee ik, jie lieken m'n tetaal veranderd, mensch
Da bin 'k ok, zee 'eur, en da kom alleenig deur Sjek, ee,
Sjek en ze klopten op z'n schoeren, en Sjek riep jes, jes, en ze
lachten allemaele.
Maer 'oe a dat noe kwam weet ik nie, maer ik u ;t nie mee
doe, 't gieng gewoonweg nie.
En toen Sjek en Trei vort waere, nae 't dorp, zee ik tegen de
vrouwe 'Oe ku je noe toch zo dwaes weze mie dien jongen die
a je glad nie kent?
Mae toen zee 'eur Wouent nie, 't is toch zeker in de fer-
mielje
A 't mae nie meer is, zee ik, wan ik wier vrentig nog wan-
dochtig. Wa bedoel je? zee 'eur, en ze keek zovee giftig, da'k
niks mi dus te zeggen.
Me waere allebeije een stuitje stille, en toen zee 'eur ineens
En a'k dat noe is een aerdige vint von, wa zou dat dan nog
E, e...eda zou niks, zee ik mae, wan die toon van d'r
beviel m'n niks. En je ziet dat we meer, vooral bie wuven azze
wat ouwer worre, dazze van die finten kriege. Dae bedoelde ik
niks mee, 'oor, wan 't is alles in 't nette en fersoendelijke, ka je
begriepe, een wuuf a 't miene, mae ze bin dan toch een bitje ver-
liefderig van d'r eige, en das lastig.
Afijn, 't wier aevend, en m'a gegete, en toen gong Sjek ineens
vort, wan 'um most telefeneere, en toen a t'n terug kwam, kust
de vrouwe nie laete om te vraegen, nae wien a t'n 'etelefeneerd a,
en toen zee d'n, da t'n een auto a besteld, wan da m'n mie z'n
allen nae de bioskope gienge, en toen riep de vrouwe bi je noe
zot, dan mag ik m'n eige we is gauw op gae reeje, mae toen zee
Sjek, wan die behin a wee aardig Ollans te praeten Je bin zo
mooi 'enog, en toen lachten de vrouwe, zo blieje azze was, mae
Trei keek kwaed, wan die was zeker ok verliefd.
Afijn, den auto kwam voren, en wulder d'r in, en in de bios
kope gaeve ze zo'n stik van moord en doodslag, en das niks voe
mien, wan dan kan 'k nie slaepe naeder'and, mae d'aere vonde 't
vreed mooi, en dat was 't misschien ok we.
Afijn, m'n kwamme tuus, en Sjek a z'n geld vergete, en ik be-
taelden, mae toen m'n in 'uus waere, zee ik, dat t'n den vorigen
auto ok nog betaele most, en ik zee Nie om die paer gulden,
neef, mae zaeken bih zaeken. Mae toen sprak t'n ineens wee
Amerikaans, en verstond d'n nie wat a'k zee, en de vrouwe was
kwaed, en zee Jie mo noe ok altied over centen klesse.
En ik zuchtede, en ik docht die vint is binne, maer 'oe krie-
gen m'n d'r uut
En toen a 'k s'aeves op bedde lag, zee ik tegen de vrouwe
'Oer is 'ier, vrouwe, je bin een best wuuf, mae dien Sjek, 't mag
ok een beste jongen weze, maer 'um beval mien noe nie zo.
Jie ziet ok altied spoken, en je bin jeloers, zee de vrouwe.
Da kan best weze, zee ik, maer ik zegge je, dat as 't verkeerd
gaet, ik gin schuld e.
Mae wat mot t'r dan verkeerd gae vroog de vrouwe.
Noe, de centen, zee ik. Wan je lees zovee van die kaerels die
maer ergest in 'uus drienge en op een aers zak leve.
Toe, toe, zee de vrouwe, da loop we los, Sjek 'ei centen 'enog,
da zeit t'n zelf, en ik e van die Amerikaansen geld 'ezie ok, een
'eeleboel, mae da kan t'n ier nie inwissele, en dan mot t'n nae
stad, en ik e d'n vanmiddag ok nog een tientje yerschote.
Ik zuchtede wee, maer ik zee niks mi.
Mae wi je we gloove, beste menschen, da 'k de toekomst mie
angste en beven tegemoet zie
Afijn, m'n zu d'r 't beste van 'ope, en kommende weke 'ore
De groeten isse van
PIER VAN 'T HOF.
No: 36
VRIJDAG 2 FEBRUARI 1934
De tooneelvereeniging Apollo"
te Middelburg gaf in de sociëteit
St. Joris een welgeslaagde op
voering van „De Millionnair"Een
scène van het derde bedrijf.
De accordeonvereniging „Cres
cendo" te Vlissingen vierde op
Zaterdag 27 Jan. onder groote be
langstelling haar 10-jarig bestaan.
Het Middelburgsch Klein Tooneel M.K.T
gaf met veel succes een uitvoering van een
parodie van de opera „Carmen". Een ver
makelijk tooneel in de kazerne lste bedrijf
De nieuw in aanbouw
zijnde Landbouwhuis-
houdschool te Zie-
rikzee nadert de vol
tooiing. Op Maan
dag 5 Febr. wordt
de school officieel
geopend.
In de herberg:
2e bedrijf
In de aren
4e bedrijf.