Bie ons op t durp
Langs de wegen. De
proef met het brandglas
of de zon al sterk ge
noeg is om een gat in
z'n klomp te branden
Eindelienge was dan de dag gekomme, da m'n nae stad zou we
gae. Den lesten nacht in 't *uus a m'n gm van beije eigelijk
'eslaepe, wan kiek, zo ies gae je toch an j'n 'arte, a je zovee jaeren
plezierig 'eweund 'eit.
In de vroegte, 't was nog nie lichte, waere m'n a op de been,
en m'n liepe zo'n bitje as een kip zonder kop deur 't 'uus, wae
't een rommel was van wa-bi-j-me.
De vrouwe liep mae his en de were, en ze zee mae niks anders
as bel, bel, net of ze 't noe pas begreep, da m'n d'r uut gonge,
en voe goed.
Afijn, gelokkig kwam de vruusauto a om zeven ure, en toen
was t'r gin tied mi, om ergest over te dienken.
De vrouwe wier wee liek as vroeger, en ze stieng as een gene-
rael op de brugge, en ze gaf mae commandjes, en a die jongen
(wan d'r was bie de ver'uzers ok zo'n vintje van een jaer of zeven-
tiene) ergest an rochte wa nie nae d'r zin was, dan schreten ze,
da d'n d'r vin most bluve, en dan most die ouwe vint mie die
snorre 't doe. En sommigte diengen, zo as 't porcelein, dae mocht
glad gin mensch ankomme.
Afijn, 't kust t'r toch mie één keere in, en da viel mee.
Mae toen d'auto wig wou rieje, zee de vrouwe ikke rie mee,
ik gae we neffen de sjeffeur zitte.
M'n keke een bitje aorig, en de sjeffeur zee 'oe meer vrouw
volk, 'oe liever a 't m'n is, mae toen zee de vrouwe
A jie mae gin verbeeldieng 'eit, da'k om joe meegae mie je
lillijke snorre, ik doe 't alleenig voe de spullen, wan a ik t'r nie
bie bin, gae julder mae rieje en rosse en rauze van jewelste, en
dan kom alles in stikken en brokken an, o mae
Ik von ik dat nog zo'n kwaed iedee nie, en ik zou dan mie de
fies achterop komme, en Trei op de fies van de vrouwe, en Sjek
die gong glad nie mee, wan die a nog zaeken, zee d'n, mae die
wou z'n eige d'r netuurlijk mae van of maeke, da begriep je.
Wulder op de fies, en m'n komme in stad bie 't 'uus, mae gin
auto. Da's ok wat, zee ik, ze moste d'r toch a lank a weze
Je mo begriepe, da wulder een korteren wig 'erejen adus kust
'et best weze, dazze onderwigt waere bluve steke.
Afijn, wulder wachtten een kertier, en toen nog een, en toen
een ure, mae toen waere m'n toch ong'rust.
Weetje watzee ik tegen Trei, ik gae ik de stad is in, en is
'ore of a t'r niks 'ebeurd is, wan dat is gauw 'enog bekend, en
bluuf jie dan 'ier, om z'op te wachten, azze nog komme.
Afijn, da deje m'n.
Ikke nae de mart, en dae spreek ik een vint an, die a d'r nog
a fersoendelijk uutzag, en ik zegge Ee, meneer, weetje misschien
of t'r biegeval een auto verongelukt is 'ier in de buurte
Wa zee je vroeg de vint, en 't bleek dat t'n 'arstikkedoof was.
Ik docht, ik za mae nae 't bero van de krante gae, wan dae wete
ze noga is wat.
En ik komme op de Zuudsiengel, wan daer is 't, en dae zie'k
een oploop van menschen. Ik kieke is goed, en ik dienke is dat
noe nie onzen auto, of vergis ik m'n eige noe
Ik komme dichterbie, en jewel, 't is den eigesten auto, mie
vee menschen, en 't lieken we, of alles op de straete staet, en ik
zie pelisie, en ik 'oore boven alles uut de stemme van de vrouwe.
Afijn, ik op een 'olletje d'r nae toe, en dae staet de vrouwe te
schreeuwen tegen een vint, die glad rood ziet van kwaejeg'eid, en
een plisie d'r bie, en een hoop volk, en de ver'uzers.
Ik drienge d'r deur'eene, en ik vraege wat a d'r an d'and is.
E Pier, roep de vrouwe, noe bi m'n an'ekomme, en is bienae
alles a binnen, en noe kom 'ier die vint (en ze wiest op den kwajen)
en zei dat dat 'uus van 'um is, en die 'ei Jalles wee op straet laete
zette
Menschenlieve, ik gong door den grond
Vrouwe, zee ik, mensch, je bin glad verkeerd, dat is ons 'uus
Is dat ons 'uus nie zee de vrouwe mie groote staeroogen.
Bel neent, riep ik, wulder motte an de Oossiengel weze, en 't is
'ier de Zuudsiengel
Daer 'ei je 't noe a, zee de vrouwe, en omdat de menschen
begoste te lachen, zee ze ik e je altied we 'ezeid, dat 't in de
stad niks 'edaen is
Afijn, kommende weke varder
De groetenisse van
PIER VAN 'T HOF.
No. 43 VRIJDAG 23 MAART 1934
De Christelijke zang-
vereeniging Sursum
Cordate Middelburg
vierde onder groote be
langstelling haar 10-jarig
bestaan. Foto van de
jubileerende vereeniging.
De aankomst van de boot
te Terneuzen is altijd
een evenement. De wach
tenden en aankomenden
bij den aanlegsteiger.
Bij de werkverschaffing te Nieuw- en Sint
Joosland, waar een slijkkreek afgedamd
wordt met 't oog op toekomstige grondwinning.
Te Vlissingen werd aan
sergeant-majoor J. Uitter-
linde de zilveren medaille
uitgereikt wegens 24-jarigen
trouwen dienst.
Het défilé der troepen na
de uitreiking van de onder
scheiding aan sergeant
majoor Uitterlinde.
Te Rilland Bath
op 17 Maart j.l. door
dr. Moree de eerste steen
gelegd voor een wijk-
gebouw van het Groene
Kruis burgemeester Do-
minicus en de gemeente
raadsleden waren bij de
plechtigheid aanwezig.