Bie ons op t durp
Me gae kommende weke a vrom nae 't durp. Ja, oor is ier, t
mo gezeid, de stad dat is voe ons menschen niks mi, dae raek je
nie mi an gewend. De vrouwe die gieng den hanschen dag op
en neer, mae dat was noe mien eere te nae. Neent, ik zat in de
schute en ik most vaere.
Wa doe je noe in zo'n stad Je loopt i
menschenlieve, d'r is ok glad niks te zien
d'r 'ier vuuf schuten in plekke van bie ons arie.
A je deur de wienkelstraete loopt kom je 'ier tien menschen
tegen, en bie ons vuve. Noe ja, mae wor je dae noe beterder van
Kort en goed, ik zee tegen de vrouwe m'n wachte me mi tot
me kunnen bouwe, mae me gae vrom, 'oe dan ok.
Ja, mie dat bouwen, dat e'k je nog nie verteld, mae da zit zo.
D'r komt 'ier een streekplan. Je mo wete, dat er noga vee ge
bouwd wordt, den lesten tied, en noe schient den een of den aer,
die dat nie goed kan, z*n eige d'r werm over gemaekt 't e, en bie
Ged. Staten an'eklopt 't e. Zo zie je, 'oe zukke groote diengen tot
stand kunnen komme
Ja, en de Staeten die voelden d'r we voe, wan 't kost ze toch
gin cent. En die e d'r niks tegen, om zo'n bitje den baes te spelen,
da begriep je. Dus da plan da komt t'r noe. In 't eest dochte ze
op 't durp. dat dat noe is een prachtige oplossieng was, en dat
leken 't dan ok. Mae noe die zaek eenmael een ende op gank is,
noe behunne ze toch nattig'eid te voelen. Och ja, wan je begriep
we, zo'n plan das mooi, mae ze vergete d'r bie, da 't voe de ge
meente een 'oop centen za koste. D'r bin d'r, die dat noe a inzie,
mae den grooten 'oop nog nie, en die zu op een goeien dag nog
we is tot andere gedachten komme.
Maer alia, ik dwaele of. Ik wil mae zegge, dat wulder nog me
kunnen bouwe, en da kan nog we 'k weet nie 'oe lank dure. Dust
toen d'r noe van de weke een kot vrie kwam, e'k dae nae gevroge.
't Ston m'n we nie zo vreed erg an, wan 't is 't groote kot van Jan
Kees de Vos, die a vroeger op 't durp gerentenierd 'eit, en t stae
midden op 't durp, en das nie zo plezierig, ik e liever wat ruumte
Mae de vrouwe is t'r noga over te spreken, en alla, dan doe je
Dust bin 'k gistere wee is nae 't durp 'ewist, om is te kieken,
wan d'r mo noga wat an 't 'uus versjouwd worre, da spreekt. En
de vrouwe gong mee, wan ze zee dazze d'r ok wat in te zeggen
wou e, en noe, da kon, wan ik bin altied nog a ruum.
Dust noe is 't 'ier in de stad klaer.
't Spiet m'n, meneer van 't Hof, zee d'n bakker vanmerrege
tegen m'n, toen a'k voe de deure stieng.
't Za we waer weze, zee ik, vroeger was ik altied mae van t Hot,
en noe noem jie m'n we meneer, mae dae gee'k ok a gin duit voe.
'Oor is 'ier, zee 'urn, ik e joe altied een meneer 'evonde, en ik
heve meer voe joe dan voe al die kaele deftig'eid die a m'n 'ier e,
en die d'r brood nie betaele, kiek.
Da bin 'k mie je seens, zee ik, en ik docht t'r an, wat a ze in de
krante schreve, vlee weke, da den economischen toestand alleenig
beterder kan worre a m'n allemaele betaele wat a m'n schuldig
bin, in 't kleine en in 't groote.
Mie dat al is de zeumer a een ende op streek, en 't bluuf mae
koud. Da's jammer 'enog, wan 't is nie goed, en die droogte ok
nie. En m'n zu noe mae motte ofwachte, wat er van komme za.
D'r net loop ik deur de Kerkstraete, en dae zie 'k ineens Jans
van Plone van 't durp.
Wa doe jie 'ier vroog ik, en 'eur zee Zwieg t'r van, zwieg
t'r van, oom Kneel, die in DenHaag weunt, is dood, en noe kreeg
ik de pepieren, en dae stieng noe toch onder da bericht da de ver
rassing zou plaes vinde op Vriedag, en 'ei jie dae noe ooit van
g'oore, begraefenissen mie verrassingen Vroeger dan zat je nog
we is bie mekaere om een stikje t' eten, mae dazze noe verrassin
gen verzinne, das toch we een bitje erg.
Mensch. dat is gin verrassieng, mae da beteken, dazze kremasie
gae doe, zee ik.
Ze keek m'n mie d'r koeie-oogen zo vreed stom an, da'k t'r van
deur 'eloope bin.
En noe mae wee tot kommende weke,
PIER VAN 'T HOF
No 2 VRIJDAG 8 JUNI 1934
Een wat me dag aan het Vlissingsche strand.
Een typisch buurtje te St. Maartens
dijk, aan den voet van de oude kerk.
^Naar de markt geweest.
Een nest jonge konijnen
te Vlissingen, wier moe
der dood is, wordt op
gevoed met de flesch.
**^Naar het autokerkhof. Een aftandsche auto maakt zijn laat-
sten tocht op een ietwat zonderlinge en opvallende manier.
