ZEEUWSCH NIEUWS
Bie ons op t durp
Zo kwamme me dus onverwachs voe de ver'uzieng te staen,
en da val nie mee. Gelokkig gong 't nie zo as den vorigen
keer, toen a m'n zo vee dol g'ad e. Neent, 't gieng alles best, en
m'n waere vlug over. En noe zitte me dan op't durp te koeke
loeren, en de vrouwe lieken we twintig jaer joenger 'eworre, en
ik we tiene (zei ze), mae da za toch we nie.
En ik viel a trek mie m'n neuze in de butter, wan d'r was
d'eigesten aeven een vergaederienge van't nut, en dae zit ik ok in,
dus ik d'r bie, da begriep je. En da gong over't jedgdwerk. Je
mo begriepe, das ies nieuws, en dat is om de guus van de straete
of t' ouwen, en noe, da vinde ik we goed, wan ze rugetuten toch
zo mae een bitje, en bovendien leere ze d'r niks dan kwaed.
Dus noe gong 't dan om dat werk, dat azze dit jaer voe 't eest
geprombeerd a, en dat was goed 'egae, en noe wouwe ze d'r dan
mee deurgae, en da za noe we 'ebeure ok.
En noe zit ik nog mie een moeilijke kwestie.
Ik e een brief g'ad van een lezeres (wan da kan alleenig de
wuven mae interesseere), waevoe ik nooit mi over Sjek en Trei
schreef, den lesten tied.
Ja, 'oor is 'ier, m'n goeie mensch, da za'k je is gauw zegge, die
twee, die bin d'r glad nie mi, die bin vort, en a lank a.
Da bin om zo te zeggen naegels an m'n doodskist 'eworre.
En noe za je zegge vertel dat dan is, mae, menschenlieve,
zukke diengen, a t'r zovee 'ebeurd is, dae praet je lieverder nie
over, begriep dat noe is. Je loop nie mie j'n eige schande over de
straete, net. En ik a dat dan nog we wille doe, wan je kan toch ok
nie altied de mooie en vroolijke diengen vertelle, mae de vrouwe
zee, voeda'k nog een penne op pepier 'ezet 'ad zwiegt, uust
D'r za gin woord over in komme
Afijn, toen e'k 'et uut'esteld. Ma ik a toch gin vree mie m'n
eige, das waer. Ik docht a ie de schande van aere menschen ok
we is in de krante zet, dan.mo je dat mie j'n eige schande toch
ok doe. Ieder mensch 'eit van die plekken in z'n leven, die a vreed
vee piene doe, a je d'r an komt. Dae zwiege de menschen mae
liever over, en zeg is da ze gin gliek e
En zo is 't mie mien noe ok.
Maer 'oor is 'ier, jie die a 'eschreve 'eit, jie 'eit t'r toch we
recht op, om te weten 'oe a dat 'egae is. Wan je schrief zeer juust
a je 't nie zegge wil, dan a je d'r glad nie over moste behunne.
Kiek, en dat is zo. En daevoe bin ik 'et nog nie mie m'n eige
seens wat a'k doe za.
Ik za d'r nog is een paer nachjes over slaepe, en dan 'oor je 't
kommende weke we, wat a Pier za doe.
En noe bin 'k voe m'n eige wee 'erust'esteld, en kan 'k wee net
doe of t'r niks 'ebeurd is. Mae vort bin ze.
En zo is 't mie mien zo as mie al de menschen a je mie moeie-
likgeden zit, en je weet nie mi wat a je zegge mot, dan behun je
maer over 't weer. Noe val daer ok we over te schrieven, wan 't
is boog, zovée drooge a 't 'et den lesten tied is, en da deug nie.
Maer in Amerika is 't nog vee verschrikkelijker. Dae mo jie nae
toe gae, zee ik tegen de vrouwe, wan jie 'ou zovee van de wermte.
O, je wil m'n zeker vort e, noe da'k oud en verslete 'erocht bin,
zee die. En dan een jonge meid in 'uus neme.
Kiek, van zukke schandelijke diengen wor ik noe we is ver
dacht, mae je begriep we, dazze dat ok nie zo meent. Mae a 't 'et
te koud nae d'r zin is, dan wor ze we is wat kriebeloerig, begriep
je, en dan zei ze van die oarige diengen.
Afijn, dae mo je maer over'eene kunne.
Kommende weke 'oor je dus wat a'k doe za.
Allee, de groetenisse,
PIER VAN 'T HOF.
Ierseke heeft een nieuw politie-vaartuig ge
kregen. „De Gier", het mooie nieuwe motor
schip der visscherijpolitie, in de haven van Ierseke.fl
Vrijdag 8 Juni maakte de
Dieseltrein een proeftocht
o.a. langs de Zeeuwsche
lijn. De trein op het station
te Middelburg.
N.
De overwinnaars uit den beslissingswedstrijd Rilland I—ZS.C.
Zaamslag I om den Zeeuwschen voetbalbeker, welke door
Zaamslag gewonnen werd met 4—3.
Het echtpaar Bonnevan Hoecke
te Overslag vierde onder groote
belangstelling z'n 50-jarig huwelijk.
Foto van het echtpaar temidden
van kinderen en kleinkinderen.
Een moment van de estafette. De aflossing voor de
ofpcieele tribunedie in Vlissingen nog niet overdekt is.
In de pauze gaf de Vlissingsche athletiekvereeniging Marathon een
demonstratie. Een kijkje tijdens den hordenloop.
Te Vlissingen had op Zon
dag 10 Juni 'n voetbalwed
strijd plaats tusschen een
veteranen-elftal uit Middel
burg en uit Vlissingenwaar
van de recette ten goede
kwam voor den in Juli te
houden Schelde wedstrijd,
het evenement op sportge
bied in Zeeland. De beide
veteranen-elftallen worden
voor den wedstrijd aan
elkaar voorgesteld
De burgemeester van Vlis
singen, de Edelachtb. Heer
v. Woelderen, doet den af
trap van dezen wedstrijd.