Zecuw&cA
NIEUWS
Bie ons op t durp
VRIJDAG 29 JUNI 1934
j_v__j_
Wa je a zo nie in 'n trein 'oort. Je mo wete, gistere verjaerden
d'r een achternichte van m'n, en omda'k 't goeie mensch in gin
jaeren 'ezie a, docht ik, dae gae'k is nae toe.
Ze weunt dae ergest in de Kraaiert, afijn, da wete julder zo nie.
Mae toen 'k m'n eige klaermaekten om te gaen, stapten de vrouwe
op 't leste oogenblik op'etuugd binne en zee asda ze meegong.
Noe, da von ik best, wan zo'n reize in j'n eentje, das glad niks.
Dus m'n gienge eest mie de bozze nae Goes, en toen nae 't
stetion, waer a de vrouwe in gin tien jaer 'ewist was, en ze ston
d'r zo mae van te kieken, zovee a t'r veranderd was. 't Lieken
Amsterdam we, zee ze we vier keere achteran mekare, en z'ieuw
me vast toen a m'n den wig overgonge, en ik mo je zegge 't was
ok vreed druk. Afijn, mae m'n kwamme goed en wel op 't peron,
en toen kwam net den trein a binne ok.
Veruutriep ik tegen de vrouwe, en die was glad van d'r
trementanen, en liep mae van 't een nae 't aer, en ik riep wee
je dienk zeker dat 't de menwaegen van Kees is, mae den dees die
wacht nie, stap noe toch in
Toen flutede de trein a, en de kondekteur riep motte julder
nog mee en voeda m'n d'r erg in a, a t'n de vrouwe a in een
compee gedouwd, en mien in een aeren.
EeEe riep de vrouwe, ik mo bie Pier, mae de kondekteur
zee asdat dat nie mi gong, en de trein ree a, en m'n reje mee.
Ik liete m'n eige neervalle, en docht a dat noe mae goed of-
loopt. D'r zatte twi vinters naest m'n, en die zatte mae te praete,
alsmae over aere menschen, en nie vee goes. En ik 'oorden dat
is een stuitje an, en toen kust ik m'n eige nie goed in'ouwe, en ik
zee Wete julder noe nooit is ies anders as over aere menschen
kwaed te vertellen
Ze keke m'n is an, net as of ze zegge wouwe wa mot dien boer
noe eigelijk, en toen zee den eenen
'Oor is 'ier, baes, wae mo je noe anders over praete as over
menschen en d'r werk A m'n over de waereld praete en over de
netuur, das toch werk da nie van eiges gekomme is, mae da
gemaekt is
En voe da'k antwoord kust geve, gonge ze a wee deur.
Afijn, ik zat m'n eige zo'n bitje 't ergeren, mae toen kwam den
kondekteur. En die most de kaeretjes zie.
Noe a de vrouwe die 'ekocht, en ik a 't miene in m'n vesjeszak
'estoke zonder te kieken, en toen a'k t'r uut 'aelden zag ik mie
schrik en beven, da t'n peronkaeretje was. Das wee ies voe de
vrouwe, schoot 't deur m'n 'eene, en ik zag den kondekteur a
kieke, en ik zee ja, das wee ies van de vrouwe, mae den kondek
teur zee da d'n dae niks mee te maeken a, en da'k straks mee most
nae den chef.
En ik zag 'oe de twi vinters, die a'k de les 'elezen a, is nae
mekare keken, en is stiekum lachten, asof ze dochten da'k mie
opzet op een valsch kaeretje ree. En ik wier rood tot in m'n 'aer.
Afijn, de trein stopten eindelienge, en ik t'r nog nie uut, of dae
kwam de vrouwe a an, mie den kondekteur, en an julen gin
gebrek. En wulder nae 't beroo, en dae vroog de chef 'oe a da
kwam, en de vrouwe vertelden, dazze om twi kaeretjes gevraegd
a, en da de vint toen 'ezeid a, van 'oevee, en dazze toen de goed
koopste maer 'enome a.
Toen most de chef we lache en vroog of ze dan nog nooit in
den trein 'ezeten a, en toen zee ze van één kere, en toen a 'um
(dat was ik) voe de kaeretjes 'ezurgd. Afijn, 't kostede ons noga
nie vee, wan die chef was een vrindelijke man, en even d'r nae
stapten m'n a den polder in. En ik a in m'n eige toch we een bitje
lol, wan de vrouwe a nie vee praes mi. Mae da kust ok van de
wermte komme, afijn, daer 'oor je kommende weeke we meer van.
De groetenisse,
PIER VAN 'T HOF.
Domburg honderd jaar badplaats. Dit jaar herdenkt
Domburg het feit. dat het voor 100 jaar als eerste
Zeeuwsche badplaats werd opgericht. Tot heden
bleef Domburg de rustige badplaatswaarvan een
overzicht langs het strand getuigt.
Dat in den loop van ha ir bestaan als badplaats
Domburg vooral vorstelijke personen wist te trek
ken, daarvan getuigt nog de villa Carmen Sylva,
waar de koningin van Roemenië tijdelijk verbleef
De Kon. Scherpschutter svereeniging
Vlissingenvierde haar 50-jarig
bestaan met een schietwedstrijd op de
banen te Souburg Foto van eenige deel
nemers met t bestuur en enkele leden.
Enkele schutters in actie op een der banen.
Buste van dr. Mezger. die
zeer veel tot den bloei van
Domburg heeft bijgedragen.
Domburgs oudste badpaviljoen, dat in 1837 werd op
gericht. maar in 1889 geheel werd verbouwd, meer
landwaarts, en dat nu nog bestaat. Foto van het
tegenwoordige badhotel in Domburg.