ZEEUWSCH NIEUWS
Bie ons op t durp
440
VRIJDAG 31 AUGUSTUS 1934
No. 14
De aankomst van de vlieg
tuigen, die deelnamen aan
de Rondvlucht over Neder
land op her vliegveld te
Vlissingen op Zaterdag
25 Augustus
't Is noe zowat den druksten tied bie ons op 't durp.
Nie alleenig mie de boeren, mae die magge 't e, mie dat weer
komt de boel droge binnen, en das vee waerd, en a de priezen
noe ok maer een bitje goed bin, en d'r 'elpt de steun ok a wee
an, dan komt er wee wa geld onder de menschen, en das noodig,
wan 't is verschrikkelijk, zo weinig as de menschen nog kunne
uutgee, dat 'oor je van al de wienkeliers, das waer. En mie ons,
renteniers, is 't ok nie te best, wan je mo maer is mie land zitte,
waer a je duzend gulden iepoteek 't met op gegeve 'eit, en 't wor
verkocht en je kriegt er vuuf 'onderd vrom, of j'oudt 'et, en je
man betael gin cent rente. Die grondpriezen bin ok vees 't ooge
opgevoerd, dat lieken nae niks, maer alia, je doet er an mee.
En a je effekten 'eit, dan bi je glad in den aap gelezeerd, wan
die loope zo vrom, da je ze bienae niet mi ziet, en da gae mae
deur en dae kom gin ende an.
Afijn, maer over die drukte, das meest van de vremde die a
d'r noe wee bin, en d'r bin d'r 'eel wat, vee meer as vlee jaere.
D'r schient in 'Olland toch nog we geld te wezen, a je dat zo
ziet, mae d'r bin vee menschen bie, die anders nae 't butenland
gae, en die komme noe 'ier. Alles zit vol, en wulder zitte ok
vol. Ja, je za zo zegge, 'oe komme m'n d'r bie, wan m'n e zo ies
nog nooit bie d'and g'ad, mae da za'k je zegge.
Eestens kun m'n de centen best gebruke, en twiddens mot de
vrouwe wat afleidienge e, zeit den dokter, en das waer, wan 't is
toch nog glad nie 'eelegaere in order mie d'r.
Dust toen Kees Vreeke histere kwam en zee da d'n twi slaepers
a, die a t'n nie berrege kust, en vroog of wulder ze niet woue
neme, toen zeeje m'n mae van ja, en ze bin d'r noe, mae 't val
glad nie mee. Den eenen is een wuuf zo vet a'k t'r nog nooite
een 'e zien, e, mie ziede jeponnen en een kop mie 'aer waer a je
van achterover valt, en zo'n bril op een stokje, en waer a dat vor
dient, weet ik nie, mae azze mie je praet, dan kiek ze je d'r deur
an, en dien aeren das d'r vint, en da lieken we een toffe joengen,
ie loop glad in 't wit, en rookt den 'eelen dag seharen van een
dubbeltje.
Mae noe mo je gloove dat 't zweet op m'n kop staet.
Dae net komt dat wuuf binnen, en ze zeit (ik za prembeere
om 't op z'n 'Ollands te schrieve) terwijl ze m'n deur dat dienk
op een stokje ankiekt
Aha, een typerijter Meneer is wel erg modern, het lijkt mij
anders lang niet gemakkelijk, als je zulke stijve vingers hebt, niet
Christiaan
Christiaan, das d'r vint, mae die zeit Ik vind het prachtig,
dat men hier wat voelt voor het nieuwe.
En, zeit dat wuuf wee, wat schrijft u nu
Ik schrieve voe de krante, zeg ik, en ik gae deur.
Dae gae ze op d'r achterste pooten stae, en ze kiek m'n an of
ze m'n op wil vrete, en ze roept
Mon Dieu (dat 'eit de meester m'n verteld, wat a dat is), waar
moet het heen met onze cultuur, als deze paysans de pen gaan
hanteeren Ze docht da 'k et' nie verstond, mae 't was gin waer,
ik verstond 'et best, en ik wier toch zo kwaed, en ik zee
A julder mae wete, da je 't van de boeren motte e, en a wulder
d'r nie waere, zouwe die van joe slag nie in de kraekende ziede
loope, kiek
Ze was nog zo gek nie, wan ze dee of ze d'r niks van begreep,
en ze duisden zo langzaempjes an achteruut en den 'of in.
Mae Christiaan dien lachte en die gaf me zo'n knipoogje ach
ter de rik van z'n vrouwe om, net of t'n zegge wou m'n begriepe
mekare. En da deje m'n dan ok.
Maer ik was toch kwaed, en ik bin 't nog, want a je noe toch
menschen in j'n 'uus neemt en j'oeft 'et glad nie te doe, dan ku
je toch verwachte, dazze d'r èige fersoendelijk gedraege.
En da zee ik tegen de vrouwe, en die vond 't ok, en die zee
das eens mae nooit mi, want ik e ok a lank a genogt van die kak-
medarn, en noe zu m'n blieje weze as de weke om is.
Afijn, tot kommende weke dan mae wee, en de groetenisse,
PIER VAN 'T HOF.
Drukte bij den hoefsmid te Schoondijke.
waarvoor zooals ge
woonlijk groote belang
stelling bestond van de
zijde van het publiek.
Scheeve kermisgang. Hoe
velen op de Goesche kermis,
die de vorige week werd ge
houdenhet raadhuis zagen.
Voor de schooldeur te Bigge-
kerke als de vacantie om is
en de school weer begint.