ZEEUWSCH NIEUWS
Bie ons op t dnrp
VRIJDAG 21 SEPTEMBER 1934
No. 17
Ben zware hagelbui, met de traditioneele hagelsteenen als kippeneieren zoo groot,
bracht een catastrophale verwoesting onder het glaswerk van de druivenkassen
te Haamstede teweeg Een kijkje van de verwoesting in een der kassen.
Het opruimingswerk van de stukgeslagen glasruiten is in vollen gang.
Van de weke krege m'n een boo uut stad asdat er een auto-
busse nae de jaerbeurs in Utrecht zou rieje.
Noe, Utrecht, dae waere m'n gin van beijen nog ooit 'ewist,
dust da sprak van eigest da m'n da zouwe doe.
En zo reje m'n dan 's ochens om vier ure a wig, en 't was
mooi weer en een goeie busse, dust da gieng alles noga wel.
D'r waere d'r nog ee -1 paer va 't durp, te weten Jipje Stuve die
a mie Kee van Dalen is 'etrouwd, en die kwamme netuurlijk
trek bie ons zitte, wan de rest dat was stas vo'k, en dae bin m'n
nie zo op. f
Mae noe is dien Jipje een aerigen, die weet nooit wat of t n
zegge of zwiege mot, en zo a t'n a trek an de stok mie een vint,
en 't schol nie vee of 't wier ruzie.
Maer alia, da gong wee over, en m'n kwamme in Utrecht,
bie den Dom, en dae moste m'n d'r uut, en toen wulder mie z'n
vieren op pad. Jipje die was t'r a meer 'ewist, zee t'n, en 't was
effenof vlak bie, en daevoe gonge wulder mie z'n mee.
En m'n liepe zo een stuitje, niae da duurden mae, en m'n
kwamme in van die straeten liek as bie ons op 't durp, en einde-
lienge kust ik nie mi zwiege, en ik zee Zeg, meester, wae gae
m'n noe eigentlijk nae toe?
E, nae de bozze, zee 'urn, mie zo'n 'ezicht van ik-weet-ik-'et-
we, dat ik m'n eige mae stil 'ieuw. En m'n liepe alsmae varder,
maer op 't ende stienge d'r glad gin 'uzen mi, alleen een paer
van die ouwe kotten, en toen niks mi as een weije mie beesten,
en 't waere mooie beesten, das waer, mae daevoe waere m'n
nie 'ekomme, wan die ku je bie ons ok zie.
Dust toen 'ieuwen m'n stille, en Jipje die krauwden is achter
z'n ooren en 'um zee dat t'n nie en wist, en ik zee Net, en toen
stienge m'n dae.
Mae toen kwam d'r gelokkig net een vint an op een karre
mie blomkool, en die 'ieuwen m'n an, en die begust te lachen,
wan m'n waere a bienae an Maertensdiek, zee d'n, en toen begust
de vrouwe bienae te julen, wan die docht trek an Maertensdiek
bie ons in 't land, en Jipje, die d'andacht van z'n eige wou of-
leije, zee dazze d'r schoolgeld we vrom kust 'aele, en toen was
de vrouwe vee kwaed, en ze riep da t'n een vint van niks was,
en da t'n niks anders kust dan verlore oope, en dazze da tuus
ok kust doe, en toen zee 'um wee dazze dan tuus a motte bluve,
en toen zee 'eur dazze zelf we wist wa ze doe kust en laete, en
toen wier Kee ok kwaed van wa-bi-je me, en toen was ik den
eenigsten, die a z'n verstand nog een bitje bie mekare 'ieuw,
en ik zee tegen die vint da t'n ons vrom most rieje en da dee d'n,
en zo kwamme m'n eindelienge an, mae toen a m'n dan voe 't
spul stienge zee Kee dazze 'oenger a en da m'n eest moste gaen
ete.
Dust wulder zo'n dienk binne waer a zo'n vint in zo'n groene
liverei voe stieng en toen a m'n die pesseerden, wist ik a, dat 't
nie goed zou gae.
En 't gong ok nie goed.
Kee die nestelden d'r eige in een voltuil van ferweel en wulder
ok, en toen namme m'n koffie. Mae dat was zeker nie goed
genog, want toe Kee d'r tassche opendee en de stuten kwamme
J'r uut, toen kwam d'r zo'n vint iesselijk in 't zwart en die zee
da 't nte gong, en toen Kee mie een volle mond vroog wat a t'r
me gong, toen was die vint trek kwaed, en afijn, de rest wi'k
ie bespaere, mae m'n stienge gauw buten en Kee was varder
den 'eelen dag kwaed wan z'a d'r stuten vergete. Mae de rest
vertel ik je kommende weke.
Allee, de groetenisse,
PIER VAN 'T HOF
Een kijkje op de kermis re Ztertkzee. die aldaar de vorige week rustig is verloopen.
De glazenmakers hebben
druk werk om de stuk
geslagen tuiten te repa-
reeren. Voor de druiven
kweekers was het n schade
post van 50 000 gulden.
De burgemeester van Zierikzee, de Edelachtbare
Heer Bannink, heeft Zaterdag 15 September als
zoodanig afscheid genomen van den Raad.