Bie ons op 't durp
568
VRIJDAG 28 SEPTEMBER 1934
No. 18
Dust dae stienge m'n dan eindelienge voe de Jaerbozze, en
't was a knap laete, en m'n waere blieje da m'n d'r dan toch
beland waere.
Alleen wou Jipje d'r eerst nie in omreden 't een hulden
kostede, en 'um zee mae, dazze blieje moste weze da m'n kwamme
kieke, wan van kieke kwam koope, en azze verkochte a ze d'r
winst, net as 'um, en as t'r menschen bie 'um in de zaek kwamme
dan liet t'n ze toch ok gin intree betaele, en da leken nergest op,
mae die meneer an 't leket dien lachte mae is en ik poete Jipje
is in z'n rik en toen schoof 'n deur, gelokkig 1
En toen ware m'n d'r in, mae wat noe, zo'n groot kot van
een gebouw, wae mos je noe behunne
Lae m'n mae van bovenan behunne, zee ik, wan ik a g'hoore,
da je dat 't beste kus doe. Dust toen wouwe m'n an 't klummen
gae, mae toen zag ik da t'r een lift was, en ik riep O en
m'n stienge stille, en ikke nae de lift, en Kee, de vrouwe van
Jipje, die riep mae, wat a m'n gonge doe, wan die vertrouwden
't nie omreden ze noga wandochtig is van d'r eige. Ik zegge
niks, mensch, en zo kwamme m'n bie de lifte, mae dat a ze nog
nie 'ezie of ze begust bienae te julen, en ze riep D'r 'ei je 't
noe a Dienke julder soms, da'k in zo'n akelik dienk za gae,
warmee je as een vierpiele de lucht inschiet? Ik zou je danke,
daer e'k a genogt over 'eleze, en ik doe 't nie
Mae de menschen achter ons die stienge op te driengen, en
die vint in die lifte wier ok a kwaed en riep da m'n op moste
schiete, en ik wou Kee d'r net indouwe, en dae glip ze nog
tusschen m'n viengers deur en vort is ze.
Lae mae gae, zee Jipje, die nog a kalm is van z'n eige, en
tegeliek gong de lift a dicht en m'n schote nae boven, en de
vrouwe, die niks 'ezeid a, mae die toch ok benauwd was in da
vremde dienk, wier een bitje kwaelik, en ze was blieje da m'n
d'r wee uut waere.
Afijn, bel bel, wat a t'r al te zien is op zo'n bozze, das ver
schrikkelijk, en je begriep nie, wien a dat allemael mo koope
mie den crisis, afijn, 't leken we een 'eele stad van wienkels.
En m'n liepe zo rond, mae wien a m'n zagge, Kee nie.
En nae een 'alf uurtje daelden m'n een verdieping of, en
gonge dae ok is kieke, en toen 'oore m'n, toen a m'n verbie zo'n
kraem komme, ineens Uila roepe, en dae zit Kee vrentig
in zo'n kraem. Dat was noe een kraem van goud en zuiver, en
de vint die d'r in stong, a d'r plezier in, dat Kee zovee goud
en zuiver an a, en die a 'evroge of ze nie een stuitje bie z'n
kwam zitte, voe de reclame, en dat a ze edae ok, en d'r stienge
zovee menschen voe te kieken of 't een kiekspul was.
Mae lipje die most er niks van e, van zukke reclame, wan
je weet nooit, wae dat op uutloopt, zee d'n, en een wuuf is maer
een wuuf, en dan weet je genog
Dust wulder mie z'n vieren wee op stap, en nog een ver
dieping laeger, mae m'n wiere toch zovee moei, en eindelienge
stelden ik voor om d'r maer uut te gae. En ik keek is op m'n
orrelozie, en dae zag ik tot m'n schrik, dat 'et a vuuf ure was,
en om kwart nae den vuven zou de bus wigrieje, en die stieg
.glad bie den Dom.
Dust wulder d'r uut 'erocht, en da gong ok a nie makkelijk,
wan d'r was zo vreed vee volk, en de beenen 'enome en nae
den Dom, mae toen a m'n daer ankwamme, was t'r gin bozze
mi, die was a lank a vort, wan 't was kwart voe zesse.
En dae stienge m'n noe, en den een dust den aer nie an te
kieke of ies te zeggen, en m'n keke allemaele nae beneje, en
zo stienge m'n.
'Oe komme m'n vandaege nog op 't durp terug dat was
de vraege waer a m'n an dochte, mae 'n wiste d'r gin van
alle een antwoord op.
En a t'r rue een vint 'ekommem a.... mae dat vertel ik
kommende weke
De groetenisse, PIER VAN 'T HOF.
Onthulling van het monument van den grooten meteoroloog
prof. Dr.'Chr. Buys Ballot te Kloetinge, waar hij geboren
werd in het jaar 1817. Burgemeester Zandee van Kloetinge
verwelkomt de aanwezigen voor de onthulling.
Zeebad Vlissingen bereikte dit jaar een record,
wat het aantal baden betreft. Dinsdag 17 Sept.
werd de 70 000ste bader bereikt, die der traditie
getrouw wederom en nu een bizondere ver
rassing ontving van den burgemeester.
Toespraak van jhr. mr. Quarles
van Ufford na de onthulling.
Een zoon, de vroegere burge
meester van Veere, en een
dochter van prof. Buys Ballot
leggen een krans bij het
monument.
Drukte in de haven te
Vlissingen. In den tijd
van een paar maanden
nadat de haven van Vlis
singen (sinds 15 JuniJ
autonoom is geworden,
is thans reeds een groo-
tere hoeveelheid kolen
gebunkerd dan in het
geheele jaar 1933
Bunkerende schepen in
de haven
Te Middelburg werd op
Zaterdag 21 September
't stoffelijk overschot van
den heer Lorier, gewezen
hoofdagent van politie, in
tegenwoordigheid van het
geheele politie-corps ten
grave gedragen. De over
ledene was een zeer be
kende figuur in Middelburg
en was reeds meer dan 30
jaar bij de Middelburg-
sche politie. De commiss
spreekt bij de groeve.