Nieuws
Zeeuwsch
Bie ons op t durp
,czet-
VRIJDAG 16 NOVEMBER 1934
No. 23
M'n e wee wa beleefd, spul om zo is te zeggen, en 't leven wor
mie den dag aoriger, das waer.
Histernacht lagge m'n lekker op bedde, en ik worre wakker,
wan ik docht da'k wat g'ooren a, mae 'k ontgaf 't m'n eige wee,
mae een stuitje laeter 'oorden ik 'et wee, en tegelieke wier d'r
op de deure 'eboensd, en toen wist ik a zovee a t'r brand was.
Dust ik stak m'n kop deur de raemen en ik riep uila, waer
is 't
Bie Kees van Klunderriepe ze, en ik was a in de were, wan
je mo wete, da'k zovee as 'oofdman van da zaekje bin, en da
brieng vee spul mee.
Ik vliege in de kleeren en strune nae 't gemeentuus, wan de
porape stae bie ons onder den toren.
Onderwege loope d'r a vee menschen, en ik komme Kee van
Jan tegen en die loop mie allebeije d'r ermen in d'oogte van
benauwdig'eid.
En a'k bie 't gemeentuus komme e ze de pompe d'r a uut
'etrokke, mae wae bin noe de slangen? vraegt t'r een, en wulder
an 't zoeken, mae de slangen bin vort en ze bluve wig.
En onderdand komt er een knecht van Kees nae binne en die
roept dat a m'n nie gauw komme alles d'r an is, en d'uzen d'r
neven ok.
Dust wulder wee zoeke, maer eindelienge zee de velwachter
m'n eden nog toe, die slangen legge bie mien op den zolder, wan
dae spele de guus altied mee. Afijn, ik wier vreed kwaed, wan dat
is noe toch gin doen, mae d'r was gin tied om lange kwaed te
wezen, dust wulder mie de spuut op wig. En jewel, m'n waere
nog nie tenden de straete of m'n zagge 't a, de lucht was glad rood
en m'n schrokke d'r zo van, da Bart, die a vooran liep, ineens
duisden, en 't schilden nie vee of den diejen a de pompe de dul-
leve in'eree.
Afijn, toen a m'n d'r bie waere was de burgemeester d'r ok a,
en 'um stieng te striejen mie een van de wet'ouwers, en ze zagge
ons glad nie, vanweges de drukte.
Mag ik d'eeren verzoeke? schreeuwden ik, en m'n vloge a
over z'n teeën, wan z'a 't zo druk, da ze glad nie uut de wigt
gienge-
Laeter 'oorden ik dazze spul a over de spuut, wan de burge
meester wou a lank a een nieuwen e, maer de raed wou nie, afijn,
daer 'oor je nog we over.
Wulder de slangen an de vaete 'ebrocht. Je kust er bienae me
biekomme van d'itte, wan brande da 't dee, vreed
Kees stieng zelfs waeter te scheppen mie een immer, en dan
kwam z'n vrouwe en die kapten 't uut, mae je begriep zo we, da
dat niks uut'aelden, en daer 'ieuwe ze dan ok mae mie op.
Afijn, ze wille de slange anzette, mae dae roept t'r een da de
doppen d'r of bin, en dat a de guus van den velwachter 'edae^dust
eest vrom nae 't durp, en toen die diengen g'aele en ze d'r an
En toen a 't zo varre was, da m'n waeter a, toen was de brand
zowat over, en alles uut'ebrand.
Afijn, dat was wat, da begriep je, en kwaed da ze waere, lederen-
deen was kwaed, mae 't meest de burgemeester.
En toen e m'n den aeren dag trek een raedsvergaederieng g'ad,
en daer is 't dan is besproke.
Mae neent, gin aere spuut, gin geld, zeeje ze, en das altied zo.
Noe dee ik een voorstel om saemen mie aere gemeenten zo n
medern dienk te koopen liek azze dat op vee plekken doe, mae
dae was ok a niemand voe te vinden.
En noe za't zo we deurgae, en as 't een bitje wil, brandt 't eele
durp nog is een keer of.
Dust omdat ik dat nie verantwoord von, e'k m'n ontslag
'enome voe de brandspute, en dae bin ze noe wee kwaed over.
Maer ik zegge, je mo je vrantwoordelijk'eid kunnen draege, en
a dat nie en kan, dan schee je d'r as fersoendelijk mensch uut.
Afijn, zo is 't 'et. En noe bin 'k bezig mie die nieuwe spellieng.
Dat Heken ok a vee moeilijker as 't is, en ik dienke d'r over, om
d'r maer an te gae doe. Kommende weeke za'k je dae we is meer
over vertelle, wan daer e'k mie de vrouwe ok wi is wat over g ad.
Mae 't bladje is vol, dust m'n scheje d'r mae wee uut tot kom
mende weeke.
Allee, de groetenisse van
PIER VAN 'T HOF.
De heer J. Breyaert werd op Zaterdag 10 November geïnstalleerd als burgemeester van de gemeente Eede.
gj|pw
Ook de toestand bij de tramhalte aan her
wissel is grondig verbeterd, aangezien naast
de tramlijnen een breede weg is aatigelegd
voor het verkeer.
Aan den weg over het viaduct
te *s Heer Arendskerke wordt
de laatste hand gelegd.
Een kijkje op dezen weg, die
Maandag 12 November voor
het verkeer werd geopend
Wegver beteringen in onze provincie. Ofschoon hier en daar nog verschillende wegen
zeer slecht zijn in onze contreien, zoo worden toch verschillende verbeteringen aan
gebracht. De weg Souburg Middelburg bijvoorbeelddie zoo langen tijd haast
onberijdbaar is geweest. De oude toestand van dezen weg.
Dezelfde weg in zijn nieuwe gedaante. De bruggetjes en de boomenrij zijn ver
dwenen. Daarvoor kwam in de plaats een ruim betegeld pets- en wandelpad.
