GEMENGD
NIEUWS
Bie ons op t durp
VRIJDAG 7 DEGEMBER 1934
No. 28
Ik a d'r glad nie over wille schrieve. D'r bin diengen, dae
schrief je nie over, nie omdazze onfersoendelijk bin, wan dae
schrief je van eiges nie over, maer alia, omdazze noe nie zo
'eschikt bin, za'kmae zegge. Mae noe twi lezers van Ons Zeeland
vraege, waevoe ik vlee weke nie 'eschreve e, noe mo'k t'r toch as
fersoenlijk rr.ensch we mie voe den dag komme.
Neent, zieke bin 'k nie Vwist, liek a dien eenen 'evrogen 'eit.
Glad nie ok, Pier is in de beste 'ezondheid.
Neent, en d'r is ok gin ruzie mie in den raed 'ewist, da'k daer-
deur nie eschreven zou e.
Das allemaele d'r neven.
Mae wat a t'r dan 'ebeurd is Ik za 't je mae zegge.
Kiek is 'ier, die stiksjes voe Ons Zeeland, die schrief ik altied
om twi ure. Om drie uur gae ze dan mie de post mee, en da kan
persies. Ik kan alleenig mae werke a 't mot, en daevoe wacht ik
altied tot op 't leste.
En dat a'k noe ok 'edae, mae toen a'k m'n pempier vol'eschre-
ven a, toen riep t'r iemen an de deure, dust ik nae buten, en dat
was een van de buren, Jewannes van Lena, die most m'n even e.
Afijn, dat wier a gauw een stief kertiertje, en ineens docht ik an
m'n stik da nog mee most, dust ik laete Jewannes stae, en ik nae
binnen.
En binnen zit Kees Dummen mie de vrouwe, en ik e zovee
jacht, da'k t'n nie eens goeiendag zegge, maer ik vliege nae de
taefel, en kiek 't stik is t'r nie mi.
Vrouwe, 'ei jie m'n stik nie 'ezie vroog ik, mae de vrouwe zee
bel neent, 'eit dat dan 'ier 'elege en ik zee bel jaet, en noe is 't
'et vort, en 't motnee, en wae kan dat noe weze
Afijn, wulder krauwe 't 'eele 'uus omvarre, mae gin stik, ner-
gest nie te vinden.
En 't viel mien op, da Kees glad nie mee zocht, en 'um zee mae
niks ok, en 'um zat mae bie de schouwe, en 'um a zo'n rooije kop,
dat ik vertrouwden 't nie, dat 'ei je soms, da je ineens voelt dat
een aer d'r alles van weet.
En ik zegge dus Kees, 'ei jie da pempiertje ok nie 'ezie
Afijn, de vrouwe voelden ok da d'r ies 'ebeure gieng, wan ze
zocht nie mi, en m'n keke allebeije nae Kees, en die zag zo rood
as een kole, en wis z'n eige nie te draaien of te keeren.
Afijn, eindelienge stotterden zo'n bitje ja, neent, afijn, noe
a je d'r nae vraegt za'k et mae zegge.mae 't is t'r toch nie
mi.ik weet ik ok nie, of dat noe sjuust da pempiertje was dat
a je zoekt
Afijn, ik wier da beu, en ik schreeuwden Kees, de post gaet
over twi menuten, zei noe in ieder geval, waer a je 't 'elaeten 'eit.
Jaja.baes, zee Kees, zukke diengen ku j'eigentlijk nie
vertelle, maer ik bin d'r net even naer achtere 'ewist, afijn
noe begriep je 't we
Ja, wulder begrepen 't, en julder ok we, dienk ik. Ja, en daer
a'k noe glad nie over 'eschreve, a t'r nie naer 'evraegd was, mae ja,
dan mot je, dat is noe zo.
Dust ik a die weke niks mi te stieren, wan 't was toch te laet
'ekomme, en das noe de reden.
Dust je begriept dat ik t'r niks an kust doe, maer alia, wa verbie
is, is verbie, en ik dienke zo bie m'n eige, da Kees nooit mi tegen
den driejen za komme, a t'n ooit nog komt.
Mae die vint is zo stom as 't achterende van een verke, en
noe 'ei t'n 't zelfs op 't durp verteld, en noe lacht 't 'eele durp t'r
Afijn, 't durp lacht toch, mae 't is kwaed ok, wan dien ousten
wet'ouwer 'ei wee is ies nieuws uut'edocht. Die wil altied de
centen mae in de kouse 'ouwe, en noe is t'r bie ons een mooi
plekje, waer a de vremdeliengen vee komme, en dazze vreed mooi
vinde, en 't is ok mooi, en da plekje dat wier van de gemeente, en
iedereen was blieje, wan ze dochte noe komt er we een plensoen
van, mae weet je noe, wat a't geworren is 't Wier een plekke voe
al 't vuul van 't durp
Je begriept, dae bin de menschen glad nie over te spreken, en
d'r is nog vee meer 'ebeurd ok, en dan komme ze bie mien vraege,
wat a t'r an te doen is, mae dan zeg ik altied Maek je toch nie zo
drok, d'r komme ommes kommende jaer verkieziengen
Kiek, das de meniere.
Nee, d'r bin menschen 'ier in de gemeente, die d'r alleenig voe
voele, al de verruutgang in de wigt te stae, en das erg. En 't is nog
dom ok.
Afijn, je kan dae lank over praete, mae t is bienae drie uren,
en m'n slute tot kommende weke. De groetenisse,
PIF.R VAN 'T HOF.
Te Hulst werd een tentoonstelling gehouden van zangvogels e a.
door de vereeniging ..De Parkiet". De burgemeester van Hulst
opende de tentoonstelling. Foto na de opening op de foto
merken we o.a. op. den burgemeester van Hulst, drBorn van
Axel. den secretaris van Hulst en het bestuur van „De Parkiet".
Een kijkje op het koor van de St. Willibrorduskerk te Hulst, het
laatste deel van de kerk. dat nog moet worden gerestaureerd,
waarna Hulst een der mooiste bouwwerken van Zeeland rijk zal zijn.
Voor het vervoer van ruim 1000 KG. toffees van de
firma van Melle te Breskens arriveerde op Donderdag
29 November voor het eerst op het vliegveld te
Vlissingen een vliegtuig van den vrachtdienst der K.L.M.
Het inladen van de kistjes.
Wegens de beteekenis van dezen eersten vracht-
dienst der K L.M. was er voor het feit van officieele
zijde tamelijk veel belangstelling O.a. waren aan
wezig B en W. van Vlissingen. de burgemeester
van Breskens, de directie van de firma van
Melle en vertegenwoordigers van de K.L.M.
En de piloten, die het eerste vrachtje moesten ver
voeren.mochten eerst eens van het product proeven.