JJftPtt:-
Bie ons op t durp
K
Het Raadhuis te Veere zal op Vrijdag
A de menschen in sommigte diengen gin gat mi zien, dan
prembeere ze je mie ies nieuws op te stiesselen. Ze dienke dazze
toch wit motte doe, en dan zoeke ze 't wee bie 't ouwe.
Noe e m'n van de weke kunne leze in de krante, dazze wee mie
de vleuje wille gae dosse. Noe vraeg ik je toch Je kun net zo
goed alle mesienes wee ofschaffe, a je d'r zo over dienkt.
Ja, schreve ze, dan komt er wee werk an den wienkel, en 't is
nie dierder ok. Dae mo je mien noe nie mie ankomme.
Ik bin ik d'r ok trek voe, om de menschen an werk 't'elpen,
mae dan an werk da produktief is, za'k mae zegge, dat zoojen an
den diek zet.
Maer a m'n 't zo motte vinde, dan ku m'n we glad nae de
middeleeuwen vrom gae, da vinde ik.
En, wat a van meer anbelank is, da vindt de vrouwe ok. Die
mot ok niks van de vleu e.
Toen a'k ellef jaer was, e'k t'r is mie van langst g'ad, zee ze,
toen a m'n t'r over a, en das noe wee net ies voe een vrouw om
d'r zo over te dienken, wan dat 'ei noe toch niks mie dossen te
maeken.
En toen a ik zee, dat ze dat we verdiend zou e, toen wier ze
vanzelfs wee kwaed.
Das noe zo vreed erg nie, wan mie de kommende feesdaegen
is ze toch altied kwaed, en dan is 't mae 't beste om te weten
waevoe.
Sintereklaes e m'n noe g'ad, maer och, wulder ouwe menschen
doe d'r nie vee mir an, a je ouwer wordt dan gloof je dat we, mae
m'n e toch altied nog van die ouwe adressen waer a m'n wat nae
toe stiere. Mae noe wil 't geval, dat ik een beuterletter kriege, en
dat was een H. Van wien is 't 'et vroog de vrouwe trek, wan
Sintereklaes kan dan we niks mie voe d'r beteekenen, z' is toch
altied nog even jeloers as dertig jaer vrom.
Ik zegge Oe kan ik dat noe wete 1 en temet snap ze op de
pempiere waer a't in'ezeten a, en 'eur an 't zoeken of ze niks kust
vinde. Mae d'r was gin letter schrift bie.
En toen ze niks kust vinde, toen gieng ze d'r over dienke, van
wien a tien H kost weze, en dat a ze gauw 'evonde, wan dat was
Lena, een weduwvrouwe waer a ze nie goed mee is, dust die 'eit
'et dan op mien verzie, dienk ze, en zo dienke alle wuven.
't Is van Lena, zee ze, maer ik zee Mensch, kiek toch uut,
dan zou 't 'et toch een L motte weze.
Bel neent, zee 'eur, wan 't is Helena.
Noe, zee ik, maer ik bedanke d'r voe, om dat tien jaer 't ooren,
dae gae je, letter, en ik dee de schuve van de slee a open, mae dae
miek ze toch zonde van, wan ze zee da m'n 'n toch we kuste
opete, mae toen zee ik: A'k t'r dan mae gin woord mir over 'oore,
en ze zee ja, en m'n atten op, mae z'a 't leste woord nog nie
achter d'r kiezen of ze was a wee an de gank.
Afijn, dat liep zo 'ooge, dazze vrentig nae Lena toegong.
Ik mos toch we lache, en ik wachtede tot a ze vromkwam, mae
toen keek ze nog kwaaijer, en d'r was gin woord uut d'r te
kriegen.
Maer ik docht ik za je we kriege, en ik nae den bakker, mae
die wou eest niks zegge, wan da gong nie, mae toen a t'n 'oorden
da'k t'r deur in de prussen zat, toen zee d'n toch mae cn toen
bleek t'n van 'n kaerel te wezen, die a'k een tied terug is g'olpen a.
Dust ik liet eest de vrouwe nog een bitje toetere, maer einde-
lienge, toen a ze d'r weer over zaenikte, kust ik m'n muul nie
mi 'ouwe, en toen e'k 'et 'ezeid.
En toen was 't over, zee ze.
Mae toen zee ik Nee, meisse, noe is 't net nie over. Noe gae
jie nae Lena om te zeggen, da je voe niks wandochtig 'ewist bin,
en dat 't nie waer 'ewist is.
Neent, en dat wou en zou ze nie, dae bedankte ze voe, ze
zou we glad van d'r verstand of weze, want a was dat dan gin
waer van die letter, z'a 't 'ct toch op m'n verzie, en ze zou dae
zoete broodjes gae bakke, dank je kostelijk.
Kiek, mae dat bin noe van die diengen, dan wiekt Pier van 't
Hof nie, 'eelemael nie ok.
Vrouwe, zee ik, jie gaet er nae toe.
Nooit van z'n leven, zee de vrouwe.
Goed, zee ik, dan gae ik t'r voe je straf eiken ochend om de
koffie.
Toen zee ze niks mi, maer ik docht je za we gae, en netuurlijk
gong ze ok.
Ja, menschen, de vrouwe mag de baes weze, mae net zo varre
as ik 't wil, begriep je
En zo is Sintereklaes wee achter den rik, en ik 'ope noe mae,
da niemand mien mie Kossemisse wee zo ies stiert, wan dan 'ei
je 't wee.
Zo bin de wuven
Allee, de groetenisse,
PIER VAN 'T HOF
910 VRIJDAG 14 DECEMBER 1934
14 Dec. als geheel voltooid aan de ge
meente Veere worden overgedragen. Een
afbeelding van het Raadhuis naar een
ets van den bekenden Zeeuwschen schilder
en teekenaar L. Heymans. die deze ets
aan de gemeente heeft aangeboden
Zaterdag 8 Dec. arriveerde in de
haven te Vlissingen het oorlogsschip
Oscar II uit Zweden. Het schip
is den anderen dag weer vertrokken.
Het Middelburgsche Oude Man
nen- en Vrouwenhuis vierde deze
week zijn 150-jarig bestaan. Foto
van bestuur en autoriteiten wo.
de Commissaris der Koningin, op
de feestvergadenng op Vrijdag
7 Dec. (We komen op dit feit
met een serie foto's van het Huis
en zijn bewoners nog nader terug).
Het Gothische Huis te Goes, waar thans het museum is onder
gebracht, behoeft dringend restauratie. Foto van het gebouw
zooals het er thans uitziet.
De gevel van het Gothische
Huis te Goes, zooals hij zal
zijn na de restauratie.