He installatie van den Edelachtbaren Heer
J. L. Dre&mans als burgemeester van Koudekerke
BIE ONS OP T DURP
'Oe a de klespraetjes in do waei'eld
komme, dae za'k je noe is wa van ver
tolk-. Noe geef ik voe m'ri eige niks om
klespraetjes, wan biete kunne ze nie, en
a je mae weet uut welken 'oek a de wind
komt, dan ku je d'r a gauw een ende an
maoke.
't Is 'ier zo, a je mie een vrouwpersoon
praet, dan bi je d'r mie 'etrouwd, voe de
waereld. Da za we op alle .durpen zo
weze. Maer 'ier is't vreed erg. en ik dienk
altied de mensclien die zo klesse, die
motte zelf toch we erg weze, anders
komt da toch nie in j'n 'eessens op.
Ja, de vrouwe is ok een bitje van die
kant, dat mot 'ezeid, mae ze vecht d'r
toch we tegen. En noe mie 't Nieuwe
Jaer wou ze is goed behunue, mae van-
merrege, toen a m'n bie de schouwe
zaete, wan 't wor noe toch koud, toen
zat ze te breien, en breien, das 'n du veis
werk, wan 't schien we dat al dien praet
uut de nilden komt. 'Nauwelijks gae die
tegen mekaer, of de vrouwe d'r mond
gaet open, en dan 'ei j'et.
't Begust over Krien Janse, die al z'n
centen verdee, en die z'n vrouwe sloog,
en zo meer.
Ja, zee ik, toen a ze zo een stuitje
bezig was, 'ei jie dan we is 'zie, dat t'n
z'n vrouwe sloog 1
Nee, uiae 't mensch liep mie blauwe
plekken.
Dat liep jie ok, toen a je deur 't trap
gat soenkelden, zee ik.
Ja, da kust dan we zo weze, zee de
vrouwe, en ze zee Mae z'n centen ver
doe t'n toch.
Kiek, das zo'n vrouwenmeniere, azzt
't mie 't een nie kunnen winne, dan mae
mie 't aere.
En ik zegge Ei jie dan we is in z'n
bozze 'ekeke 1
Nee, dat a ze nie.
Noe, kiek, zee ik, mae julder wuven.
je bekeune nooit da j' ongliek e, d'r is
gin land mie julder te bezeilen, en ik
docht da jie 't nieuwe jaer noga is goed
behunne wou
Ja, dat was dan zo, zee de Vrouwe, en
ze was toch een bitje beschaemd. Err 't
viel m'n op, dazze vandaege om d'aere
keere, dazze wa zegge wou, elke keere
wee gauw op'ieuw. Dat was dus allegaer
klespraet, die a nae buten 'esloge was,
a 't gin Nieuwjaer 'ewist was. En m'n
zu noe mder 'ope, dat 't lang kan diere,
wait ik kan 't nie e. Neent, a je ies tegen
een aer 'eit, gae t'er dan as een kaerel
nae toe, en zeit 'et in z'n wezen, das
manuewerk. Mae al dat ouwewuve-
gekles, 't is zonde da'k 'et zegge, da
brieng toch zovee ellende in dc waereld.
Afijn, 't is Nieuwjaer 'ewist, en m'n
zu d'r 't beste van 'ope, mae vee moed
e'k er nog nie op, glad nie.
En 't weer is mien te mooi ok. Dae
kom niks van terechte, a 't zo deurgaet,
in December mot 't vrieze, en noe loopt
alles uut, en een of twi nachvorsjes eit
't is 'edae.
En de schaesses zouwe toch ok is van
den zolder motte, wan vlee jaer e'k
er nog zovee aorig'eid au g'ad, da'k dat
nog we is wil doe, da begriep je.
Mae kwa, 't za van de keere nie zo
lange weze. M'n e vergaederieng van de
loterie-club, wan m'n e een pries 'etrok-
ke. 't Is we nie zo vee, maer alle bitjes
'elpe. Twelf jaer 'elee a m'n de twintig-
duzend op een achste lot en m'n waero
mie z'n eenetwintigen, dust das ok nie
zovee a't liekent.
Maer ik schee d'r uut. Je mot in 't
Nieuwe nie te druk behunne, wan a je
zo kalmpjes aene behunt, dan ka je
altied nog verruut, en das 't werk 1 Allee,
de groetenisse,
P I E R V A N T HOF.
l)e aankomst van fan feestelijk versierden auto op t Zandeen wijk van fa gemeente Koudekerkewaai' de nieuwe bur
gervader door een groote menigte werd begroet.
Mevr. Dregmans worden bloemen aangeboden.
Wethouder Contant hangt den nieuwen burgemeester
de ambtsketen om-
Aankomst voor het raadhuis te Koudekerke. ('t U ns inmiddels
heel wat donkerder geworden.)
Groepsfoto v an den burgemeester en familie te midden van den
Raad na de installatie.
