zeeuWschnieuws
4
Je kom soms voe aorige diengen te stae. Noe is t'r
'ier iemand op 't durp, ik za z'n naeme mae nie ver-
noeme, die noga vee schuld eit, en die z'n werk ok
altied mae lae ligge, afqn, die 't vreed slecht opreet,
en die vint wor noe sesentig jaer en noe wille z'n een
serenade brienge, en dae bin 'k tegen. Afijn, mae dat
mot 't meziek rioe wete, mae noe e ze mien 'evroge, öf
ik een toespraeke wil 'Ouwe, mae kiek, da doe'k rii'e,
da kan'k nië, en dat wil ik nie ok. A je wat tegen
iemand 'éit, dan 'oor je dat in z'n wezen te zeggen en
riie achter z'n rik, en dat e'k altied 'edaen ok. En ik
vinde dat as 't 'eele durp achter de rik van die vint
altied schande spreekt, dan 'oeve z'm noe nie t'uldigen.
Ik kan an zukke diengen nie meedoe, da gae nie. En
vanzelfs dee ze 't toch, mae Pier die bluuf tuus, en da
mag grust iedereen wete.
Afijn, d'r bin aere diengen, die a van meer belang bin.
Je weet we, da d'r 'ier van die zeumer'uusjes stae,
noe, das tot daerentoe, mae noe e ze van uut Den Aog,
waer a ze altied tied te vee e, ies nieuws uut'edocht, en
noe mot er een streekplan komme.
Afijn, m.'n dochte da dat zo.'n vaert nie zou loope,
mae noe leit dat dieng op 't gemeent'uus, en noe bin'k
er is nae wiste kieke, mae dat lieken noe nergest nae.
Kees Verstuje, die d'r ok net was, zee, dazze dat de guus
van de zevende klas van de schole ok we 'adde kunne
laete doe, en dan was 't nie minder 'eworre, en dan
a 't teminste gin centen 'ekost.
Afijn, mae d'r mot dan een 'eel nieuw durp komme mie
wienkels en een kerke en een hotel, en van alles.
Mae ze veitelle d'r nie bie, wae de menschen van-
daene motte komme om in dat durp te weunen.
Ik voe mien, ik begriepe best, dazze nie zonae schos
en scheef deur mekare wille laete bouwe, en 't is goed
dat er een regelieng komt, mae da kun wulder zelfs we voe
mekare brienge, en daer e m'n Den Aog glad nie voe noodig.
D'r mot een stik van m'n 'of vort, zee Kees, en ik bin d'r
niks over te spreken, en je begriep toch ok we, dazze inDen
Aog dae niks om gee. En as de gemeente 't 'edae a, dan a
je ver'ael, wan de gemeente ist'r voe, om voe je belangen
op te kommen. Ja, da vergete ze we is, wan ze dienke 'ier op
't durp maer al te dikkels, dazze mae voe d'r plezier op d'r
stoelen zitte, mae das toch gin waer.
Afijn, maer 'óe dat dan ok is, ik 'ope mae. da d'r
van die plannen niks komt. Laet de gemeente zelfs een
plan maeke, dan kost 'et nie vee, en kan iederendeen
z'n zin kriege. Mae d'r za in de raed nog we is een
'artig woordje over' esproke worre, das vast.
Mie dat al is 't nog gin winter, mae da kom we. De
blommen stae in den 'of, en 't lieken we of 't midden
in de zeumer is. Mae dat e m'n meer 'ezie, en ik zegge
je, d'r is vee kanse a je dit leest, da m'n midden in de
vost zitte, en dan 'ei Pier de schaesses onder, a is de
vrouwe d'r glad nie voe vanwege de vroumenschen die
a'k op die gladde wig kan tegenkomme, dienk maer is
an vlee jaere, en dat is ze nog nie vergete. wan a 't
een graet onder nul is, kiek ze a zo fernienig as wat
en is t'r onweer an de lucht.
Maer 'oe a dat, dan ok is, ik 'ope toch mae, da t'r
niks mi van komt. Je ino t'r nie an dienke, 'oevee
menschen gin stooksel e en gin dek en gin centen. M.'n
leve toch mae zo makkelijk voe ons eige, en m'n dienke
zovee moeilijk an een aer.
Eerh'istere kwam de vrouwe tuus, en d'r was een ver-
koopieng op Barendieke, en d'r a ze noe van g'oore, da
d'r zovee oud porcelein was, en of ik t'r noe nie nae toe
wou om is te kieken voe een redeleke pries.
Be jaet, dat wou ik we, dat was een verzetje, dust
ikke mie den vrachtenaer mee'ereje, en nae de verkoo-
pieng, mae da goed gieng toch zo diere, d'r was gin
ankommen a, da gong vroeger anders.
Dust ik kocht niks as een paer ouwe boeken, die a'k
voe een zocht priesje kust kriege, mae j'a de vrouwe
motte 'oore toen a'k tuus kwam. Voe j'n eige koop je,
en mien gun je niks, zee ze, en z'a de punte van d'r
schorte voe d'r oogen, net of ze juulden, mae dat weet
ik a lange, da doe ze nie, das maer een voorteeken, za'k
mae zegge, dazze vreed kwaed wordt. En dat wier ze dan
ok, en ik kreeg gin suker in m'n koffie, en da bedoelden
ze dan nie zozeer as straf, mae ze wou d'r mie zegge
As ik t'r nie mi bin, dan za je d'r we spiet van e, wan
ik bin toch zovee goed voe je.
Ja, daerover za m'n 't nooit seens raeke, mae 't
spul was m'-n te diere, en dat 'ei ze niaer an te nemen,
Mo jie 't nieuwe jaer noe a wee zo behunne vroog
ik, mae ze gaf glad gin antwoord. En zo zwiegen m'n
a wee, en 't is toch nog mae d'eeste inaend in 't
nieuwe jaerAllee, de groetenisse,
PIER V A N 'T HOF.
Op 10 Januari voerden de leerlingen van de kweekschool te Zierikzee met groot succes ten bate van het
Crisis-Comité de revue-operette Ceci ten tooneele.
Ken geleidelijk nieuw ontstane wijk onder 's Heer Arends-
kerke, die met het oude boerderijtje op den voorgrond een
aardig geheel vormt.
Het „Gravensteen" te Zierikzee (huis met trapgevel), dat ge
restaureerd werd en thans voltooid is.
Heinkenszand krijgt een nieuwe bestrating, waarmee het even
wel niet erg vlot schijnt te gaan. Hen kijkje van den chaos voor
hel raadhuis.
De eerste sneeuw in onze provincie, die,
hoewel ze kort van duur was, toch de
jeugd al eenige afleuling bezorgde.
i
