ZEEUWSCH
BIE ONS OP 'T DURP
SS
De groetenisse,
Kreel wor nog altied uut'etrouwd.
De vrouwe kan 't alleene nie an, en
noe ei ze buurvrouw Sprunkel op d'oog-
te 'ebrocht, en die mo noe een 'andje
'elpe, en je begriept we, die twi wuven,
die e d'r zo saemen dagwerk mee.
En das mae goed ok, wan onder
wijl bin ik en Kreel d'r is van tusschen
'ewist.
Noom, a Kreel a een paer mael tegen
m'n 'ezeid, noom, wulder moste d'r
saeme is mie d'auto op uut kunne
Da za we gin waer weze, zee ik,
wan ik kenne de vrouwe, en da za bie
d'r leven nie 'beure.
Wedde van wel 1 vroog Kreel; en da
vond ik goed.
En ja, 's aevens dae begon de
vrouwe d'r zelfs over, en ja, ze von
't best da'k er is uut gong, wan je
kus toch nie altied tuus zitte, en
altied je wuuf bie je, dat was ok niks.
Afijn, ik stieng versteld, da begriep je,
maer ik zee mae niks, en ik docht mae
profeteere van de gelegent'eid, wan die
kom nooit mi vrom
Dust wulder den volgenden dag in
d'auto. En toen a m'n onderwigt waere,
zee ik tegen Kreeldat 'ei je goekoop
gelapt, neve mae 'um zee gelapt we,
mae goekoop nie, wan ik e beloofd,
da'k een mooi kedoo voe d'r mee za
brienge, maer alla, das 't ergste nie.
M'n reje. Da gong regelrecht naer
Amsterdam, wan aere steden bin d'r
nie in 'Olland, zee Kreel, en toen a'k
zee, da'k den 'Aeg een mooi stad
von, 'aelden 'n z'n schoeren maer is op.
En toen a m'n in Amsterdam
kwaeme, wan dae was ik nog nooit
'ewist, toen schrok ik töch we van de
volte, en ik begreep mae nie, 'oe a
Kreel daer als mae tusschen deur dust
te riejen. Maer 'um brocht d'auto
töch mae gauw wig, en wulder eest is
lekker gaen ete op een plein mie een
stambeeld in 't midden. Ik wou we is
wete, wien a dat was, en ik zee tegen
die kelner wie is die vint 1 Mae die
docht, da 'k t'n voe de gek 'ieuw, en
ik kust gin woord mi uut z'n kriege.
Afijn, 't eten gong we, a was 't dan
gin kool mie woste, en a zagge sommigte
diengen d'r zo aerig uut, da m'n 'arte
d'r van bedauwde.
Ja noom, wae wou jie noe nae toe
vroog Kreel. Ja, 'oor is 'ier, zee ik, dae
gee 'k nie om, a m'n maer in 't fersoen-
lijke bluve, wan dae bin 'k altijd een
voorstander van 'ewist. Noe, Kreel die
zou de leidieng neme, en in 't fersoen-
lijke, en zo gienge m'n eest naer een
soort van voorstellieng waer a ze dans
ten en zo, en ik mo zegge, 't was nog
a netjes.
En toen zo is 'ier en daer 'ekeke,
en wat er allemael in zo'n stad te be
leven valt, das verschrikkelijk
Teminste, ik docht a, ik za is tegen
Kees Pute, de wet'ouwer bie ons, zegge,
da t'n toch nie dienke mot da t'n
overa verstand van 'eit, zo lank a t'n
'eel z'n leven niks anders doet as de
dreve op en neer gae op de fiets. Wan
de waereld is töch we een bitje grooter
as de dreve, afijn, dae kom ik nog we
op terug.
Mae d'r nae bin m'n töch nog in
de prussen 'ekomme. Ja, das vreed
erg, mae 't is zo. Kommende weke
za'k 'er julder uutvoerig vertelle, maer
ik bin d'r noe te beduusd van.
Daevoe schrief ik deze weke zo weinig.
Dust wachte mae!
Van de huisvlijtientoonslelling te Ierseke: een kewrcollectie snij-
en zaagwerk, kunstsmeedwerk, enz. enz., staaltjes van de kunde
en den arbeidslust van vele werkloozen.
Dinsdag 12 Maartheeft
burgemeester de Feyler
na een bijna 25-jarige
ambtsvervulling af
scheid genomen van z'n
gemeente Zaamslag.
Een foto van den feilen
brand, die in den nacht
van 14 op 15 dezer te
St. Maartensdijk zes
schuren grootendeels in
de asch legde.
Stratenreparatie tegen het komende seizoen te Vlissingen.
De af deeling Zeeland Zuid van den Ghr. A mbletiarenbond vierde
onder groote belangstelling haar 12 l/2-jarig jubilé.
Voorjaarswerk onder Borsselen: het poten van at
De visscher kalefatert zijn vaartuig op voor het
komende seizoen.
In café Elich te Vlissingen. had de eindwedstrijd plaats om het
kampioenschap van Zeeland 2e klasse van de Amateurs Biljart
Club. De kampioen aan stoot.
Lentelandschap onder Ileinkenszand.