Op excursie in de zak van Zuid-Beveland, 1980
KNIPPEN EN SCHEREN
's Aevens kwaemen de jonge jongers van t durp nog a 's bie
Vaoder in de schoenmaekerijeZö mè "n bitje ouwoeren en
sterke verbalen vertellen. Zö ök op "n aevend waeren d"r
wéé zö'n stelletje jongers bie vaoder an "t opscheppen en
dan draait t bienae aoltied uut op "dat durf je nie". Noe
was Vaoder juust op dat aogenblik d'r één an 't knippen en
zö kwam tut as vanzelfsprekend op kaelknippen en dan nog
kaeler scheren. Nae vêê hissen en de weer hepraot was "t er
êên die a zö hek was om t ut te laeten doen, teminste
attun 'n rieksdaelder kreeg. Nae botje bie botje heleid
t'aen, kon Vaoder an t karwei behunnen. Eest mie "t
mesientje "n baene midden over z^n aot. Vaoder vroeg:"Wat
dienk j'er van Merien"? "Deurgaen", zei Merien, dus Vaoder
de volgende baene d'r of. "Deurgaen", zei Merien en dus
gieng Vaoder deur. Op 't leste was t'n mie 't mesientje
klaer en kwam t'n an t scheren toe. Wéé vroeg
Vaoder"Merien wat dienk j"r van"? Merien zei:"Ik dienke
niks, scheren mè"De kop van Merientje ingezêêpt en Vaoder
an 't scheren. Dat katje was gauw gewassen een di zat
Merientje mie 'n kopje zö wit as wat. Mè nae dat de
spannige van 't geval "n bitje over was, gieng Vaoder z'n
eigen is ofvraegen wat of t'n eigelijk hedaen t Was
naemeluk nog a koud buuten, 't was voorjaer, en Vaoder
docht a tie jaon noe is "n kouwe in z'n aot pakt en dat
haet verkeerd, dan draai ik d'r voe op.
Tjaon wat eit tat mannetje "n weekje in de piepzak hezeten.
Mè gelukkig 't is uuteindelijk toch goed ofhelaopen.
PHK-Wdp
11
