'n Ziele in stêên in brons
ÜM'fW
maar nu zijn ze verdwenen, uit het
historisch centrum en het beschermd
stadsgezicht, van de plaats waar Zierikzee
zijn bestaan begonnen is.
Misschien kunnen er nog een aantal van
deze arduinen palen worden herplaatst, er
is plaats genoeg op de Balie. Zierikzee
heeft zoveel gedaan voor zijn grote
monumenten, zou het dan ook niet van
wijsheid getuigen alert te zijn op de kleine
monumenten en een aantal palen te
herplaatsen in volle glorie op de plaats
waar ze oorspronkelijk hebben gestaan?
Die ene afgeknotte arduinen paal op de
scheiding van Mol en Havenplein, welke
dienst doet als schamppaal, doet toch geen
recht aan de oorspronkelijke funktie
waarvoor deze palen ooit zijn gemaakt?
D. Joppe
d' Offertaefel van ,,'t Onze Lieve
Vrouwtje" in de dom-kèrreke is êêne
blomme-zêêë.
'n Dikke onderd waxine-lichjes getuuge van
de verêêring van de gelöövige. 'n Bitje nae
vóre lei op 'n söört lessenaer, 'n boek. Nie
zöma 'n boek. 't Is 'n grööt uutgevaolle
boek om in te schrieven. In dat wier gedae.
Op èlleke bladzie stae lêêd in vreugde in
dankbaer'eid beschréve. 't Binne eigelijk
aomae brieven an dat „Lieve Vrouwtje":
Of ze d'r vó wil zurrege dat Liesbet goed
deu d'r kraembed komt...
Dat Kees z'n examen mit goed gevolg mag
aflègge...
Of dat vrêêselijke lieën van m'n man een
einde mag néme...
Of de jongste zeune bewaerd mag bluuve
vó die verdöövende middels...
Da m'n zö gelukkig binne mit ons
kleinkind...
Dat Merien noe ten-langen-leste z'n
rolstoel eit...
Of 't asjeblief gae regene vó de
aerbézems...
In aolerlei taelen staet 't dae geschréve: de
vertèlsels van 't leven, in 't Engels, in 't
Chinees, in 't Russisch, in 't krom
Nederlans...
Wï je wè g'loave, 't is net of je nae
pertretten van kennissen kiekt! J'eit 'r
aomae a 's van g'öóre of, j'eit 'r zèllef
mee te maeken g'ad.
'k Ad 'r buute tegenan stae kieke, tegen
die machtige kèrreke. Dien öögen toren mit
z'n bèllen, die roerloos, as donkere
droppels, achterin de uulegaeten ange.
Aol die beelden in versiersels van
roamkleurig netuurstêên, die deu 't jonge
strewêêl van de kastaojeboamen
schemerde... Of 't 'r bie de schepping
aomae a was...! Oe èbbe die ménsen, mit
'r gebrekkige kennis van zaeken in
gerêê'schap, zoiets gróóts vó mekander
gekrége!? Z'ön vergeestelijkt reuzewèrrek
339
