WAT MIETER, WAT 'N MIDDEG'!
(VERSLAG ZÊÊUWSE MIDDEG, 8 NOVÈMBER 1997)
Me dochte bie ongs eihe, wat za't wï ore, de
Zêêuwse middeg. 't Was presies drie jaer eleeje
da mun zö'n middeg g'orhaniseerd adde.
Me zouwe om aollef drie behinne, ma, wat mie
ter, om kwart vö tweeje kwaeme d'êêste ménsen
a binne loape. Me waere werentig nog an 't oefe
nen mit 'Kant'ooi'!
Mar affijn, kom ma binne ménsen! In zö hieng
dat ma deu, tot aollef drie an toe. Rond die tied
kwam burhemeester Asselbergs van Schouwen-
Duveland binne, toen konne mun écht behinne.
Mun adde herekend op 200 ménsen, d'r waere
d'r ruum twêê keer zö vee! Nou, ik kajje wé ver-
taele, dat was netuurlijk un flienke opsteker vö
ongze streektaeicommissie. Me waere harstikke
blie, Tineke, Jannie, Jööst in Arie, en ik netuurlijk
ok! As noe de rèst ma hoed gieng
Eêst sprong Hugo Doeleman, as voorzitter van
'Stad in Lande' op de planken, mit z'n boerepak-
je an. Me kreehe trék a un bos blommen van z'n.
Nou, dat was leutig! Hugo vond 't ok machtig
mooi dattur zö vee ménsen waere. Leutig dat
naest mevrouw Leijdekkers ok mevrouw De Vin
bie ongs was! In dan verschillende ménsen van
de klêêderdrachtverêniging 'De Arke' mit t'r
mooie pakken an! Dat oort t'r ok bie!
Me hienge kieke in luustere nae die twêê wuuf-
jes uut Oösterland, die anie zö jonk mT binne, de
dames Zeijler-de Vin in Zwart - Bröödman. De
zael lag waerkeluk dubbel toen ze mekoare mit
een paar pollepels an 't bewareken waere. Me
laehe mit z'n aolen in un deuk! Fantastisch was
'tl (Voortaen wél even oefene mit je radiootje
or!) lernae krehe mun un serieuze note. De bur-
hemêêster mocht 't êêste boekje vol mit tèksten
van Ad Leijdekkers overhandige an z'n vrouwe.
Dat ei tie Joop van Loo wir aordig versierd. Een
mooi boekje is 't g'ore, mit leuke foto's in teke-
niengetjes van Saskia Eggink. Wat mieter, in de
pauze bin d'r a 120 van die boekjes verkocht.
Dat bin noe écht leuke diengen vö de ménsen!
Noe kwam dir wï wat leuks an. Die Marco van
't Hoff ('n échte kroaie) weer 'r wél wat van te
maeken mit z'n kinderkoor! Zaehejuldie die
schoolmêêster achter de vleuhel zitte? Ie zat
êêlehangs te wippen! In die kinders uut 'Plan
Wést' ma zienge, ja, ok in 't Zêêuws. Zö te zien
vonde de ménsen 't èrrug leutig!
In toen was 't ongdertussen wél tied vö un bakje
koffie of thee, iederéén stieng droag. Jammer
datter hin bolussen in babbelaers waere
Nae de pauze mocht Mientje Bliek, Lenie Blom-
Schaleven, Nellie Geene, Jikke Troost, Henk Blom,
Arie Damman in ik vö 't êêle publiek optreeje.
Me noemde ongs eihe 'Kant'ooi', julder wete
wél wat tat is. 't Prohamma êêtte 'Op merote'.
In dat gienge mun. M'n oorde vèrsjes van
Jikkemien, van de vrachtriejes in d'n tram, in ok
un vèrsje over de bienaemen op Schouwen, van
klokkdieven tot duunknienen.
Op 't léste hienge mun nog even nae 't strand.
Wat kan die Lenie sappig vertale ee! Tot slot
kreeg Jööst (ongze ammekoarepraeter) 't woord.
Hugo liet nog even wat kleren zie, oale opge-
tuugde Schouwenaeren mochte even op
't tönêêl.
In, oekan 't ok angders, daenae zonge mun
saeme staende twêê coupletten van 't Schouwse
volkslied, netuuruk uut volle borst!
Oal mit oal was 't un fantastische middeg, a
mun 't talrieke publiek mahhe hloave. Me belove
bie deze, me doet nog 's over!
Oamae de hroeten, in bluuf lékker praete zö ajje
't geleerd bin!
Henk Kesteloo
"Kant'ooi" met v.l.n.r. Nellie Geene, Mientje
Bliek, Lenie Blom, Henk Blom, Henk Kesteloo,
Arie Damman
(Foto: archief mevrouw J Leijdekkers
18
