EERSTE ZEEUWSE VERTELAEVEND OP SCHOUWEN
A/at most tat noe wir ore, un Zeeuwse vertèlae-
/end in 't slot van Aemstie. Oe komme ze d'r
ap. Ja, in aore dêêlen van de previncie doe ze
dat a jaeren, ma kan dat ier ok??? De streek
taelcommissie wist dat ok nie ma wou dat toch
wè is probere.
Affijn, êêst verzichtig un paer kleine stikjes in
verschillende krangten. In dat slot is nie zö vee
ruumte, un kleine tachtig kun d'r in. Dan
motte mun êêst ma kaerten verkoape, dan
wete mun hlieke of t'r wa ménsen van plan bin
om te kommen.
Noe, belanstellieng henog! Vödat de affiches an
de raemen ienge, waere de kaerten a verkocht.
"Mun adde d'r wè 300 kunne verkoape!", zei
Tineke Deurloo van 't VVV, die toevallig of in
ongze commissie zit.
In zö zat de ridderzael van slot Aemstie op
dongderdag 26 maerte zö vol as un ei. Gezéllig
Tineke, Jannie in Arie van de commissie adde
d'r wat moois van emaekt. Dae stieng een
prachtige zetel herêêd vö de vertèllers in un
fraaie schemerlamp d'r bie. De kaersjes brandde,
't was gewoon hezellig! Dank ok an Hovert in
Marijke Heleijnse, die flienk mee ehollepe.
Tineke dee aolles an mekoare praete. Eêst kwam
Corrie Kloet an de beurte mit un hedicht over de
hoeie ouwe tied in laeter nog een hedicht over
de Lange Jan in Middelburg. Lenie Blom uut
Renisse vertélde êêl sappig over de reize nae de
taptoe in Breda. Wat of un méns toch oamae
nie mee kan maeke Joop van Loo zat ok lék
ker in die hrööte stoel. Ie vertélde over Wannes
die most gae trouwe in die un bihhe wou
koape. 't Was un verhael van mééster
Vieverberreg. Pia Barevoes van Karekwareve (de
wètouwer weetje wè) hieng trug in d'r kinder-
tied, nae jaeren van de ramp. In Bart Metiesse
uut Zurrikzeëe vertélde un belevenis van un
wienkelier van vö d'n oorlog.
Tussendeu wier d'r hezonge deur leden van
'Kantóoi'. Zö zong Arie Damman over de paere-
mart in Hènk Blom over 't strand. Ie zong laeter
ok nog un êêl ernstig lied, ma wè mooi! Mientje
Bliek over kinderspèlletjes in ik over de bienae-
men op Schouwen. Ok de vèrsjes van Jikkemien
in van de trèm wiere hezonge. Jikke zurgde wt
vö prima begeleiding op d'r piano. Wiste julder
trouwes dat Hènk Blom druk bezig is om nieuwe
vèrsjes te schrieve vö 'Kantooi'. Ja, dae ore julder
meer van in de kommende tied! Tussendeu krehe
oalle anwezihen un hapje in un drankje (mit of
zongder 'lööd'). In zö kwam d'r nae ruum twêê
uren un einde an de êêste Zeeuwse vertèlaevend
in de sfeervolle zael van slot Aemstie.
Wat ongs betrèft za 't d'n lésten nie wezel
Hroetjes, naemens de Streektaelcommissie,
Hènk Kesteloo
Lenie Blom uut Renisse vertélde êêl sappig
over de reize nae de taptoe in Breda (foto:
Streektaelcommissie)
9