Den Waeren aerd van dun Kwaaien Hoek Ut naer binnenstraomende waeter in de buutenste duun'ies mit George. Foto. K. Tanis. Krien van George van de Klarebeek Voor mearge 07-02-2004)gaffe ze sturm op, windkracht neegene uut noordwesten, i'k docht mot us even kieke hoe laete dat haog waeter is mearge. Even in de waetertiejen gids ekeeke 15.37 stieng dur twas nog spriengtieje aok,i'k zea tegen George dan göömen naar dun Kwaaien Hoek, us kieke hoe haoge dat waeter wil komme. Dun aerendag wassemen smiddus om driej uure op dun Kwaaien Hoek. opschiete George in deur loape aers bimmen te laete op strange voort haoge waeter.mar toe schoot mien annees te- binne dakker nog ruum 'n halfuure bie most reekene omdat de waetertiejegids niejt van Oud- durp was, dus liepen mun wat minder harde, dur stieng nog geneens waeter op 'tschor. Toemen bie de gehakkelde duun'ies kwamme (dun duunovergank voor daije strange op göót) zaggemun dat 'twaeter al deur de slufterties van de biestaerevegors duun'ies naer binnen stróö- mende.Wiele deur t'waeter naer de leste duun'ies,we konne ut mar net haele mit de knielaarzen. We kreege waar voor uus geld ut was 'n mach tug gezicht hoe dat waeter deur die duun'ies heene spoot mit op den achtergrond de woeste zêê mit zun haoge golven. Ut wier tied dammen uus eige terug gienge trekke vanweege ut steigende waeter, we moste al 'n stik naer t'oosten laope want deer wast wat ondieper. Ik docht hier mommen oversteeke in naer de haogere duun'ies göö, dan kummen nog even bie dun grööten slufter kieke die naer 'tschor laopt. mar 'twaeter kwam dêêr van twee kanten teglieke steigende in 'n mum van tied wel mit vuuf toet tien centimeter. Ik zeage George deur laope aers haelement niet zonger dammen de laarzen over scheppe, t wee tellen laeter stienge uuze laarzen al glieks vol met koud zêêwaeter. Toe men bie de haogere duun'ies kwamme de gehakkelde duun'ies), hemmen eerst de laarzen eleegt in toe de sokken uit ewronge zodat de boel niejt zo soppende. 23

Tijdschriftenbank Zeeland

Sterna | 2004 | | pagina 25