De kurven mee 't zeebanket,
'ebbe ze naest d'r neer gezet.
Ze komme aol van Erremuu gelope,
om d'r gornet te verkope.
Mè kom, me moete noe nog ni d'abdie,
recht over is daer beutermart, da moe me noe nog zie.
Deur de weke mag je daer ni komme öör,
wan d'r staet een iesder 'ekken voor.
Rondom een dek mee aol pilaeren,
in 't midden een ouwe boom van vele jaeren.
Di loopt dikkels een boereventje 'êêl gek geklêêd,
ze zegge, dat ie Keesje van Domburg 'êêt.
Een atraktie vö de toerist,
gin fotograaf die Keesje mist.
De boerinnen bin op banken neergestreke,
mee kurven waer uut pondjes beuter steke.
Zelf gekaernd en klaer gemaekt,
niks da toch zö lekker smaekt.
Vol vitamienen en zö gezond,
zeven stuvers vö een pond.
A proevend zie je de klanten kope
en gaen de centjes in de beugeltasse lope.
Vö de rest, da nie mi öör verkocht,
moe nog een opkoper gezocht.
O, de belle gaet, 't is klaer mee uutverkope,
di komt een man mee sleuters, de mart is afgelope.
Och, 't slaet 'alf viere, me moete noe naer uus,
nog even een bolus kope vö de guus.
Bèl, bèl, van aol dat sjouwen krieg je 't waerm,
noe vlug de kurven an den aerem.
Nog tien minuten de pas d'r in,
vö da me bie de stalling bin.
't Paerd staet a ingespanne en de baos an 't brommen,
waerom da me toch zö laete komme?
't Vosje loopt uut aole macht,
terug naer uus, nu 't werk da wacht.
Zö was Middelburg in ouwe glorie,
't Is vöbie, 't wier 'ISTOR1E.
opgekèlfd schoongemaakt
prontjes netjes
vos paard met bruinrode of geelbruine
basse(n)
guus
keuzen
doe ööre uutgetrokke
joenk'eid
haren
blaffen,kwaad toespreken,brommen
kinderen
boerinnerokken
die worden gefotografeerd
jeugd
9
