WALCHERSE AGENDA
'Zo is 't mer net', zei Jan en ie wroetten varder.
De guusjes bleve stae kieke. Inêênen zei 't paerestaeretje: 'Meneer, wat 'ei jie
an je bolletje?'
Jan wreef es mee z'n vulen 'and over z'n 'ood en zei: 'Ik 'ebbe ik niks an m'n
bolletje, 'oor m'n kind!'
'Ja mer', zei toen 't aore meisje, dat een truitje an 'aod mee dien puut van de
tillevisie der op, Kermit, geloof ok, 'j'ei wel wat! Ee, kieke?'
Mieke bokten een bitje om es goed naer Jan z'n 'ood te kieken, en toen zei ze:
'Ja, der groeie gin 'aertjes op!' (Jan begon bovenop een bitje kaelig te
worren!)
't Puutje keek ook nog es goed; z'ienge glad over den draed 'ene en toen zei 't
Paerestaeretje:
'Oe is dat gekomme?'
'Nou', zei Jan, en ie goeng op z'n 'okken zitte, 't 'ei toch van de weke zo 'ard
gewaoid, Toen is 't weggevloge!'
De guusjes keke glad verschrikt. Toen zei 't Paerestaeretje:
'Me zulle wel es zoeke, 'oor! Me vinde 't misschien wè vrom. Pas jie op onze
blommen?'
Dat beloofden Jan en de guusjes goenge zoeke tussen d'emel'ööge vuulte.
Jan dee deu, en ie 'oorden de kleintjes tegen mekaore kwettere.
Nae een stuitje stoenge ze mee straelende snuitjes voo z'n.
In de weie 'aodde 't vorige jaer schaepen 'elópe en noe kwaeme ze 'êêl deege
andraege mee een grööte dotte schaepewolle.
'Jen 'aer zat in 't prikkeldraed', zei 't Puutje, mer men 'ebbe 't gevonde,
'oor!'
En z'ieuw 'et bie Jan z'n 'ööd tegen z'n eigen 'aer an.
Ze keek nog es goed, en toen zei 't Paerestaeretje verschrokke: 't Is 't goeie
nie!'
Mer 't Puutje wist 'êêl zeker: 't Is 't goeie wél, mer 't is glad verschote! Dat
kan zo nie, da's noe toch ook jammer!'
Der lipje goend der van 'ange.
Toen streek ze over Jan z'n 'ood en zei: 'Mer der is ter gin êên die a 't ziet, da
je bovenop gin 'aertjes 'eit, oor! A je mer oppast, dat je nie te vee bokt!'
Jan nam ze mee naer Jaone voo een koekje en 't dotje schaepewolle lei den in
de vensterbanke.
't 'Ei ter meer as een weke gelege; toen 'ei Jaone 't in de vuulsbak gegooid!
C.I. van Nieuwenhuijzen
Zeeuws Museum, Abdij, Middelburg:
Tentoonstelling 'Vernuft en Vlijt', de Middelburgse Tekenacademie, tot 15-8.
Stichting Delta-Cultureel:
Grote Kerk, Veere: Expositie Koning Stadhouder Willem III (1650-1702) en
de Zeeuwen.
Tot en met oktober 1988.
Concerten op 16 juli, 13 augustus, 20 augustus, 27 augustus en 7 oktober
(tel. kerk: 01181-829)
21
