B.OOSJE.
Noe drukt en is eur zachten and
Daer i en kusje steelt,
In mit de lokjes om eur als
Die brune lokjes speelt.
Et meisje wriingt zich los, in zeit
Joe stoutert as je bint
Plaeg noe ook de andre meisjes wat,
Miin plaegje ook altiid, vrind!
Ei, gae nae de andre meisjes eén,
In laet miin noe mit vréê
As ji noe miin geen kusje gééft,
Dan draeg ik joe in zee."
Zoo spreekt de joenkman, in zi vlugt,
Zi vlugt al lagchend eén.
I volgt eur nae, in slaet zen erm
Al lagchende om eur eén.
Noe roept in schaetert al de jeugd
Draeg Roosje noe in zee
I griipt eur iliings van den grond
In leupt mit eur nae zee.
De sterke joenkman kust den last
Dien i zoo gaeren torst,
In klemt et allerliefste kind
Nog vaster an zen borst.
4
