229
auctoritate Apostolica tenore praesentium eximimus et perpe-
tuo liberamus, ipsosque abbatem et conventum ac monasterium,
ecclesias, capellas, membra, loca, personas, familiares, pos-
sessiones, villas, terras et bona praedicta, cum omnibus juribus
et pertinentiis suis, in jus et proprietatem Beati Petri et dictae
Sedis et sub eorum protectione suscipimus atque nostra, ac
ipsos et ipsa eidem sedi volumus immediate subjacere, ita
quod archiepiscopi, episcopi, praepositi et archidiaconi et
judices et locorum ordinarii, vel alia quaevis persona ecclesi-
astica vel mundana, quacumque praefulgeat dignitate, in prae-
dictos abbatem et conventum ac monasterium, ecclesias, capel
las, membra, loca, personas, possessiones, villas, terras et bona
praedicta, ad abbatem et conventum et monasterium et membra
praedicta, ut praemittitur, pertinentia, utpote prorsus exempta,
non possint excommunicationis, suspensionis et interdicti
sententias promulgare, aut alias, etiam ratione delicti vel con
tractus seu rei, de qua ageretur in judicio vel extra, ubicumque
committatur delictum vel ineatur contractus aut res ipsa
consistat, potestatem seu jurisdictionem aliquam exercere
decernimus insuper omnes et singulos processus ac excommu
nicationis, supensionis et interdicti sententias, quos et quas
contra abbatem et conventum ac monasterium, ecclesias, ca
pellas, membra, loca et personas ac familiares praedictos
haberi contigerit, seu etiam promulgari, irritos penitus et
inanes nulli ergo etc. liceat hanc paginam nostrae exemp-
tionis, liberationis, susceptionis, voluntatis et constitutionis
infringere.
Datum VII kalendas Septembris, pontificatus anno XII,
Christi MCCCCI (26 Augustus 1401).
Uit: Acta Sanctorum. Junius, I, p. 971.