MEDEDELINGEN VAN DE ZEEUWSCHE VEREENIGING
VOOR DIALECTONDERZOEK
Nieuwe leej'n
In de leste maond'n binn'n d'r gelukkig nieuwe leej'n biegekomm'n. De mêêste deu leej'n van onze
Dialectverêênigieng. Die praot'n dan bie 'n versiete over 't êên en 't ander en dan komt 't allicht op
't Zêêuws. Jao zoo gaot da. En a je da dan anstaot, awel, dan stier j'even 'n kaortje nao de sikker-
taoris, Boterzandestraat 15, 4521 AS in Biervliet en voo dèrtig gull'n zit j" n 'êêl jaor onder de pan-
n'n.
Onze nieuwe leej'n ziin:
mw I.L. Bil-Roskam, Zierikzee
mw Th. E. de Bruine- de Smet, Terneuzen
mw W.M. Memelink-Tichelman, Doorwerth
M.L. van Kruysen, Kloetinge
mw. J. J. de Vrind-Engels, Amsterdam
mw. J.K. Hanstveit-Quaak, Berkel en Rodenrijs
ntw. A. Quaak-Maartense, Kruiningen
G. Kwekkeboom, Kloetinge
mw. A. W. Stuut-Deurloo, Zierikzee
Zeeventig jaor: 't schoonste cadeau
Begin april verjaor'nde onze Verêênigieng. Die wier 70 jaor. De zaoterdag daorop was 't fêêste in
Sluus. Dao wier de CD-rom van 't Woordenboek aangebooj'n. An onze Kommesaoris en de
Gouverneur van West-Vlaonderen.
Zeeventig jaor, da 's 'n móóie leeftiid. Zeeker. En voora ai dan nog zóó goed uut de voete kan. Mi
zöö'n acht'onder leej'n. Noe zou'n me 't 'êêl angenaom vinn'n, as alle leej'n 'n nieuw lid zou'n
anbrieng'n. Jao, jao, nog di jaor. Da zou 'n 'êêl schóón kadootje ziin. Nii allêêne voo de
Verêênigieng, mao ook voo judder. 'Oe mêê leej'n, 'oe mêêr d'r over gesprook'n wöör. Over 't
Zêêuws. 'Oe mêêr de Verêênigieng kan orgaoniseer'n en van z'n eig'n kan laot'n 'öór'n. An 't
bestuur za 't nii ligg'n. En judder 'elp'n ons an 'n dubbel antal leej'n?
CD-rom
In de VDW-berichten, een blad van de Vereniging voor Dialectwetenschap, van juli, laoz'n
me 'n verslagje over de Dialectendag van Zwolle (5 mèèrte 1999). Dao stoeng: 'Ik (Thera de
Jong) ging naar de workshop over het Zeeuwse woordenboek en de streektaalfunctionarissen.
Diepe bewondering vervulde mij bij de presentatie van het Zeeuws woordenboek op CD-
ROM. Wat hebben amateurs voor op vakmensen dat zij wel binnen een afzienbare tijd een zo
groots opgezet en goed werk afmaken? Menig beroepswetenschapper kan hier een puntje aan
zuigen.'
Kiek, dao kunn'n me best mee nao buut'n komm'n, ee?
't Supplemènt
Daor 'èn me de leste tied eigenlik nog nie vee van g'öör'n. Oe zit da, wóór t 'r dan gevraogd? Bin
j 'al 'n èndje. Awe, me kunn'n noe schriev'n da de letter A tot en met H zóó goed as klaor is. Die
kan zóó gedrukt wöör'n op wa kleine aanvullienkjes nao. Anders is da mee de volgende letters I tot
en met Z. Die zitt'n in de computer, mao dao moe nog wa an veranderd wöör'n. Me ziin me onge
veer tien mèns'n bezig. Elk dêêl van Zêêland doe mee mee 't konterleren.
47