Spelletjes
'Ienkeln
Of 't noe wè percies zo was
of toch nie 'êlemao
da kan me niks verschiln
an 'k de straote op gao.
An 'k 'ier op 't trettoir
de streepn trek mee kriet
en mee een stik blompot
as een ooievaor geniet.
A je zelf gin kinders eit
en toch zo gaern mag speeln
is 't mooi a de buure z' eit
om 't plezier te deeln.
In-spin de bocht gaot in
Mien man was stoeln an 't matn
't 'uus lei vol mee brokn touwe
Gelukkig bleef 't 'r een indje over*
speelgoed voo z'n vrouwe!
A draog ik a vuuf kruusjes
geef me een balie, een stikje touwe
of een paor didders in m'n knuusjes
en 'k bin nie meer te 'ouwen.
Domeneê
De doöze staot in de kasse,
ongebruukt, maor wel in 't zicht.
An 't end van 't jaor zit ik te vlasn:
kom m'n moeder nog wellicht?
Da ka dubble zesse teegn zesje-viere
en voel ik me wir een kind
speeln ze om mien te pleziern
domeneê tot 't nieuwe jaor begint
A je mee een Tukker gao trouwn
dan ei je d'r geen weete van
dat ie van da spel nie zal 'ouwn.
Maor vérders is 't een 'êle beste man.
Anne van Adrichem
