De Bresjesse boot
ft
B
As ik mee de boot naè de aore kant wil, 'k noga 's geluk. Agauw
zonder nae te dienken kiek ik aol-an op m'n 'arlozie, 'k maeke te
ruugsten een schattieng van de reistied en 'k wèrke daè dan naè
toe. Alleên deze keer was ik te laete. 'k Ao net angenaem zitte
praote en vee 'aest om thuus te kommen was t'r nie bie. As ik bie
de slagboom ankwam, vaerde de boot net weg. Okee - dan wach-
te 'k wè.
'k Stoeng een stuitje alleên in baen eên te kieken naè de lichtbak
mee de afvaerttieden en rocht an 't dienken over 't kommende
verdwienen van deze naevelstreng tussen Walcheren en 't Zeêuws-
Vlaomse land. De tunnel was een hot item op dat moment. De
nieuwsredacties smulde van de financiële tegenvallers, de onge
lukken en de problemen die at deur 't tunnelgebeuren over de
provincie gestrooid wiere. Provinciale bestuurders laege krom van
't sussen en 't kalmeren en beloofde dat budget en planning van 't
project nie te buten gegae zoue 'ore. Mee een paer jaer zou 't
geval gereêd weze - 'oe dan ook. Dat wist ook iedereên. Je kan 't
graeven van een tunnel nie stoppe, want dan ao je net zö goed
gliek je geld in 't waeter kunne mietere. Dus deurgraeve zonder
pardon, want den anouwer wint. Luctor et emergo donders-nog-
toe.
Mae vö de beweuners van West-Zeêuws-Vlaenderen zou d'r nog
een taoie tied komme, ao 'k zö 't idee. Bresjes ao mee de boot
vele jaeren een belangrieke strategische troef in 'anden en de
Bresjese gemeênschap ao daè d'r voordeêl mee gedae. Mee 't weg-
w
